tamang online
कोरियामा सार्वजनिक स्थलमा सुर्ती मिच्दा एक नेपाली पक्राउ
Tamang Online
साेल- दक्षिण कोरियाको विजङ्बुमा सार्वजनिक स्थलमा सुर्ती मिचिरहेको अवस्थामा एक नेपाली पक्राउ परेका छन्। सार्वजनिक स्थलमा सुर्ती मिचिरहेका विराटनगरका राजीव यादव (नाम परिवर्तन)लाई प्रहरीले पक्राउ गरेको हो। सार्वजनिक स्थलमा सुर्ती मिचिरहेको ‘सिसीटिभी फुटेज’का आधारमा ‘ड्रग्स युजर’ भएको आशंकामा यादवलाई प्रहरीले पछ्याएको थियाे। प्रहरीले पक्राउपछि यादवलाई अस्पतालमा चेकजाँच गरी स्वास्थ्य अवस्थाबारे जानकारी लिएको थियो। लामो समयको सोधपुछपछि सुर्ती सेवन नगर्ने सर्तमा प्रहरीले छोडेको यादवका सहकर्मीहरुले बताएको नेपाल लाइभमा छ | कोरियामा सुर्तीजन्य पदार्थको प्रयोग तथा बिक्रीवितरण गर्न प्रतिबन्ध छ।
क्याप्टेन विजय लामामाथिको निलम्बन फुकुवा
Tamang Online
काठमाडौँ– नेपाल वायु सेवा निगमको प्रवक्ताबाट हटाइएपछि वरिष्ठ क्याप्टेन विजय लामामाथिको प्रतिवन्ध फुकुवा भएको छ। वायु सेवा निगमले नेपाल नागरिक उड्डयन प्राधिकरणलाई पत्र पठाउँदै लामालाई प्रवक्ताको जिम्मेवारीबाट मुक्त गरिएको जानकारी गराएको हो । निगमको प्रवक्ताबाट हटाइएपछि लामामाथिको प्रतिवन्ध फुकुवा गरिएको प्राधिकरणले जनाएको छ। यसअघि संचारमाध्यममा विवादास्पद अभिव्यक्ति दिएको भन्दै लामालाई निलम्बन गरिएको थियो । प्राधिकरणले निगमलाई प्रवक्ताको जिम्मेवारीबाट मुक्त गर्न पत्र समेत पठाएको थियो। ७ दिने स्पष्टिकरण सोधेको प्राधिकरणले लामाको स्पष्टिकरणपछि निलम्बन गर्ने निर्णय लिएको थियो। तर प्रवक्ताबाट हटाइपछि भने अब लामाले जहाज उडाउने अनुमति पाएका छन्।
नेपाल एयरलाइन्सका पाइलट विजय लामा निलम्बित
Tamang Online
नेपाल नागरिक उड्डयन प्राधिकरणले नेपाल एयरलाइन्सका पाइलट तथा प्रवक्ता विजय लामाको लाइसेन्स सस्पेन्ड गरिदिएको छ। नेपाल एयरलाइन्सको दुबई उडान क्यान्सिल भएपछि लामाले दिएको अभिव्यक्ति आपत्तिजनक भएको भन्दै प्राधिकरणले लामालाई स्पष्टिकरण सोधेको थियो। लामाको स्पष्टिकरण चित्त बुझ्दो नभएको भन्दै क्यानले उनको लाइसेन्स तत्कालका लागि सस्पेन्स गर्ने निर्णय गरेको हो। विभिन्न मिडियामा लामाले दिएको अभिव्यक्तिबाट गम्भीर सुरक्षा चासो उत्पन्न भएको भन्दै प्राधिकरणको सेफ्टी हेर्ने विभागले उनलाई जहाज उडान किन दिने भन्ने प्रश्न गर्दै प्रष्टिकरण साेधेको थियो। लामाले भने प्रवक्ताको रूपमा मिडियामा नियामक र एटिसीका बारेमा कमेन्ट गरेकाे बताउँदै आएका छन्। प्राधिकरणले लामालाई
