बहुमतीय सरकारका लागि राष्ट्रपतिबाट आह्वान
काठमाडौं, साउन १७- सहमतीय सरकार गठनका लागि दलहरुबीच सहमति नजुठेपछि बहुमतीय सरकार गठनका लागि प्रकिया अघि बढाउन राष्ट्रपति विद्यादेवी भण्डारीले सभामुखलाई पत्र पठाएकी छिन्।
सहमतीय सरकार गठनका लागि दिएको एक साताको समयसीमा आइतबार सकिएपछि सोमबार मध्यान्ह राष्ट्रपतिले बहुमतीय सरकार गठनका लागि प्रक्रिया थाल्न पत्र पठाएकी हुन्।
राष्ट्रपति भण्डारीद्धारा संविधानको धारा २ सय ९८ बमोजिम संसदलाई बहुमतीय प्रक्रियाबाट नयाँ सरकार गठन गर्न आह्वान ।
सोमबार अपरान्ह बस्ने संसद्को बैठकमा बहुमतीय सरकार गठनका लागि राष्ट्रपतिबाट प्राप्त पत्रको जानकारी दिने र आजै प्रधानमन्त्री निर्वाचनको कार्यक्रम प्रकाशन गर्ने तयारी संसद् सचिचालयको छ।
मंगलबार उम्मेदवारी दर्तालगायतका प्रकिया हुनेछन् भने बुधबार प्रधानमन्त्रीका लागि विभाजन प्रकियाबाट मतदान हुनेछ। बुधबार नै माओवादी केन्द्रका अध्यक्ष पुष्पकमल दाहाल प्रचण्ड दोस्रोपटक प्रधानमन्त्री बन्नेछन्।
व्यवस्थापिका–संसद्को बैठक सोमबार अपरान्ह तीन बजे राखिएको छ ।
