एकल महिलासँग अवैध सम्बन्ध गाँसेको भन्दै प्रहरी अधिकृतलाई गाउँले एकरात थुने
जिल्लाको उत्तर पहाडी गाविस पोखरी ३ की एकल महिलासँग अवैध सम्बन्ध गाँसेको भन्दै गाउँलेको थुनामा राखेका एक पुरुष प्रहरी अधिकृत रहेको खुलासा भएको छ ।
एकल महिलासँग शुक्रबार राति अवैध सम्बन्ध गाँसिरहेकै कोठाभित्र गाउँलेको थुनामा राखेका उनी प्रहरी नायव निरीक्षक सई भिम श्रेष्ठ भएको खुलेको छ ।
उक्त घटनाका प्रत्यक्षदर्शी स्थानीय गौरबहादुर कार्कीले ३५ वर्षीया महिलाको कोठामा देखेर ढोका थुनेर ताल्चा लगाइदिएको गाउँलेले जनाएका छन् ।
श्रेष्ठलाई राति ११ः०० बजेसम्म महिलाको कोठामा देखेपछि अवैध सम्बन्ध राखेको आशंकामा कार्कीले ढोका थुनेर ताल्चा लगाइदिएको नेपाली कांग्रेस पोखरी गाउँ सभापति रविन्द्रकुमार खत्रीले बताएका छन् ।
कार्कीले श्रेष्ठ र महिलालाई थुनेपछि गाउँले बोलाएर यसबारे जानकारी दिएका थिए । गाउँ सभापति रविन्द्रकुमार खत्रीले शनिबार विहान गाउँलेले छलफल गरी प्रहरीको जिम्मा दिने भनेपछि साउनेस्थित प्रहरी चौकीमा खबर गरेको जनाए ।
तीनवर्षअघि श्रीमानको मृत्यु भएपछि तीन छोराछोरीको पठन पाठन गराउँदै बसेकी महिला र श्रेष्ठबीच अवैध सम्बन्ध रहे नरहेको पुष्टि हुन भने बाँकी रहेको खत्रीले बताएका छन् । ती महिला नातामा कार्कीको बुहारी भएको जनाइएको छ ।
