राजनीतिक र सुरक्षा स्थितिलाई सुक्ष्म ढंगबाट हेरिरहेका छौं – नेपाली सेना
१० साउन, काठमाडौं । नेपाली सेनाले विद्यमान राजनीतिक एवं सुरक्षा स्थितिलाई आफूले सुक्ष्म ढंगबाट नियालिरहेको बताएको छ । सरकार परिवर्तनको तयारी भइरहेका बेला सेनाको यस्तो वक्तव्य आएको हो ।
साथै कुनै पनि गतिविधिबाट राष्ट्रिय सुरक्षामा गम्भिर खतरा उत्पन्न भएमा त्यसलाई सशक्त ढंगबाट सामना गर्ने उसले बताएको छ ।
अष्ट ‘ज’ अभियानको गमला हस्तान्तरण कार्यक्रममा प्रधानसेनापति राजेन्द्र क्षत्रीले नेपालको समष्टिगत राष्ट्रिय हितको सुरक्षाको लागि सेना प्रतिबद्ध रहेको बताए ।
सेनासंविधान अनुरुप आफ्नो जिम्मेवारी र दायित्व पूरा गर्न सदा कटिबद्ध रहेको समेत उनले बताए ।
विपद व्यवस्थापन, पर्यावरण सुरक्षा, राष्ट्रिय विकासको क्षेत्र तथा अन्तर्राष्ट्रिय शान्ति स्थिरताको क्षेत्रमा छुट्टै पहिचानका साथ दृढतापूर्वक आफ्नो जिम्मेवारी निर्वाह गर्दै आएको उनले बताए । @ अनलाइनखबर |
