मोवाईलमा कुरा गर्दै सडकमा हिँडेकी एक युवतीको ट्रयाक्टरको ठक्करबाट मृत्यु
जनकपुर, साउन ४ – मोवाईलमा कुरा गर्दै सडकमा हिँडेकी एक युवतीको ट्रयाक्टरको ठक्करबाट मृत्यु भएको छ । ठक्करबाट मृत्यु हुनेमा जनकपुर उपमहानगरपलिका २ कि २७ वर्षे संजिदा साह रहेको प्रहरीले जानकारी दिएको छ ।
रामानन्दचोकबाट पिडारीचोकतर्फ जाँदै गरेको ट्रयाक्टरले मंगलबार बिहान पिडारीचोकमा मोवाईलमा कुरा गर्दै सडकमा हिडेकी संजिदालाई ठक्कर दिएको थियो ।
ट्रयाक्टरको ठक्करबाट टाउकोमा गम्भिर चोट लागेकी संजिदालाई उपचारको लागि जनकपुर अञ्चल अस्पतालमा पुयाएपछि ज्यान गएको प्रहरीले बताएको छ ।
मृतक युवतीको शवलाई पोष्टमार्टमको लागि जनकपुर अञ्चल अस्पतालमा राखिएको छ । ठक्कर दिने ट्रयाक्टर र चालक प्रहरी नियन्त्रणमा रहेको जनाइएको छ ।
« तामाङ भाषाको चलचित्र “ह्याङला रिमठिम” (Full Movie) (Previous News)
