– तेज बहादुर श्रेष्ठ  ,तेलअविव | अन्तराष्ट्रिय नेपाली समाज इजरायल ( नयाँ शक्ति नेपाल ) को परिचायत्मक / भेटघाट कार्यक्रम गत हप्ता १५  जुलाई (शुक्रबार) साँझ तेलअविव स्थित लेवेस्न्की पार्कमा समाजका  संयोजक बी बी  लामा तामाङको  अध्यक्षतामा सम्पन्न भएको छ |

उक्त  कार्यक्रममा उपस्थित पदाधिकारी सदस्यहरु तथा शुभचिन्तक महानुभावहरुलाई कार्यसमितिका  सदस्य कुमार पौडेलले  स्वागत मन्तव्य  सहित स्वागत गर्नुभएको थियो | परिचयात्मक / भेटघाट कार्यक्रम भएकोले कार्यक्रममा उपस्थित सबैबाट आ-आफ्नो परिचय सहित नयाँ शक्ति नेपाल प्रतिको आशा भरोसा र प्रतिबद्दता व्यक्त गरिएको थियो |

सोहि कार्यक्रममा संघीय जनमुक्ति मंच इजरायलका वरिष्ठ उपाध्यक्ष सरस्वती लामा तामाङ (सारा लामा  तामाङ) उपस्थित  भै परिचय तथा मन्तब्य राख्दै नयाँ शक्ति नेपाल पार्टी प्रति प्रतिबद्दता व्यक्त गर्दै अन्तरास्ट्रिय नेपाली समाज इजरायलमा आबद्ध हुनुभएको छ | कार्यक्रमलाई समापन गर्दै कार्यक्रमका अध्यक्षता गर्नुहुने समाजका  संयोजक  बी बी लामा  तामाङले  मन्तब्य दिदै अबको निकाश आर्थिक बिकाश नै भएको र त्यसलाई साकार पार्न स्वदेश बिदेशमा रहने हामी सबै एकजुट भै आ-आफ्नो ठाउँबाट सक्दो सहयोग समर्थन गर्नु पर्ने कुरामा जोड दिनु भयो | साथै वहाँले बडो मुस्किल र कामको बाबजुद उपस्थित हुने सबैलाई धन्यबाद दिनुभएको थियो |

उक्त  कार्यक्रमको संचालन संगठनका सचिव तेज बहादुर श्रेष्ठले गर्नुभएको थियो |