काठमाडौ, २८ असार । संविधानलाई अस्विकार गरेर संसद बैठक समेत बहिस्कार गर्दै आएको संघीय गठबन्धनका संयोजक उपेन्द्र यादव यतिबेला नेकपा माओवादी केन्द्रका अध्यक्ष पुष्पकमल दाहाल प्रचण्डलाई प्रधानमन्त्री बनाउने र आफू त्यो सरकारमा उपप्रधानमन्त्रीसहित महत्वपूर्ण मन्त्रालय हत्याउने दौडधुपमा लागेका छन ।

स्रोतका अनुसार यादवले संविधान संसोधन गरेर संघीय गठबन्धनले उठाएका मागलाई संबोधन गर्ने लिखित प्रतिबद्धता प्रचण्ड र नेपाली काग्रेसका सभापति शेरबहादुर देउवाले ब्यक्त गरे केपी शर्मा ओली नेतृत्वको सरकार ढाल्ने र प्रचण्डको नेतृत्वमा नयाँ सरकार गठनमा सहभागिता जनाउने सन्देश प्रचण्डलाई दिईसकेका छन ।

यादवले प्रचण्ड नेतृत्वको सरकारलाई सबै निर्वाचन गराउन सहयोग गर्ने गरी सरकारमा समेत सहभागिता जनाउने सन्देश दिएको उनी निकट नेताले जानकारी दिए ।

केपी शर्मा ओली नेतृत्वको सरकार हटाएर अर्को सरकार निर्माणमा मधेसी मोर्चासहित संघीय गठबन्धन पनि आन्तरिक रुपमा सकारात्मक रहेको छ । अहिले भित्री रुपमा काग्रेस, माओवादी र मधेसवादी दलहरुबीच यसको गृहकार्य जोडतोडले चलिरहेको छ ।

यादव प्रचण्ड नेतृत्वको सरकारमा २०६४ सालमा परराष्ट्रमन्त्री र झलनाथ खनाल नेतृत्वको सरकारमा उपप्रधानमन्त्रीसहित परराष्ट्रमन्त्री थिए ।@रिपोर्टसनेपाल |