मेलबर्न । नेपालकी जुनिता मोक्तान तामाङले अष्ट्रेलियाको प्रतिष्ठित पिजेन्ट अफ द वल्र्ड २०१६ को ताज जितेकी छिन् ।अष्ट्रेलियाको सिड्नीमा शुक्रवार सम्पन्न प्रतियोगीतामा अन्य मुलुकका प्रतिस्पर्धीहरुलाई पछि पार्दै मोक्तानले ताज जितेकी हुन् । अष्ट्रेलियामा बसोबास गर्दै आएका विभिन्न मुलुकका युवतीहरुले प्रतियोगीतामा भाग लिएकाथिए।

त्यसक्रममा चीन,पोल्याण्ड,बेल्जियम,अर्मेनिया,रुस,स्लोभाकिय,मेक्सिको,फिलिपिन्स,फ्रान्स,लेबनान,इन्डोनेसिया,मलेसिया,साउथसुडान,जिम्बावे,लक्जमवर्ग,पाकिस्तान,निदरल्याण्ड लगायतका देशका सुन्दरीहरुलाई पछि पार्दै नेपालकी तामाङले ताज जितेकी हुन् ।

काठमाडौंकी स्थायी बासिन्दा जुनिता ग्यालेक्सी पब्लिक स्कूलबाट अध्ययन गरी उच्च शिक्षा अध्ययनका लागि झण्डै एक दशकदेखि अष्ट्रेलियामा छिन् । यहाँ उनी नर्सिङ क्षेत्रमा कार्यरत रहेकी छिन् ।

नयाँ नयाँ ठाउँहरु घुम्न र नाच्न मन पराउँने जुनिता यसले आफूलाई खुशी प्राप्त हुने बताउँछिन् । उनी भन्छिन्–जीवनमा अघि बढ्नुछ भने सधैं अगाडिको बाटो मात्र हेर्नुपर्छ ।

उनी मिस तामाङ २०१२ र मिस नेपाल २०१३ की सेमी फाइनालिष्ट सुमी मोक्तान तामाङकी बहिनी हुन् । @ नेपालसरोकार  |