फिदिम :भाषाविद तेजमान आङदेम्वेको बिहिवार साँझ निधन भएको छ ।उनको लुम्फावुङ ३ काफलवोटे स्थित आफ्नै घरमा निधन भएको हो । लुम्फावुङ उच्च माध्यामिक विद्यालयमा अध्यापनरत लावतीले अंग्रेजी,नेपाली र लिम्बू भाषामा दक्षता हासिल गरेका थिए ।

लिम्बू साहित्य र मुन्धुमका समेत जानकार उनको विहिवार साँझ साढेचारवजे घरैमा निधन भएको सोहि विद्यालयका शिक्षक नरेन्द्र शेर्माले जानकारी दिए ।

केहि समय अगाडीदेखि कमलपित्त (जन्डिस) को बिरामी उनको सामान्य अवस्थामा रहेकोमा परिवारका सदस्यहरुसँग कुराकानी गर्दागर्दै अचानक देहान्त भएको वताइएको छ । आङदेम्वेले भाषा बिषयमै नेदरल्याण्डमा पिएचडि सम्मको अध्ययन गर्नुका साथै त्रिभुवन विश्व विवद्यालय,धरान क्याम्पस र पाँचथर बहुमुखी क्याम्पसमा समेत अध्यापन गरीसकेका थिए ।