संघीय गठबन्धनको रिले अनसन एक महिनादेखि जारी, बार्ताको पहल भएन्
काठमाडौं, असार २३ । संविधानप्रति असन्तुष्टि जनाउँदै चरणबद्ध आन्दोलनमा उत्रिएको संघीय गठबन्धनले काठमाडौंमा रिले अनसन सुरु गरेको एक महिना पुगेको छ ।
राजधानीको खुल्लामञ्चमा सुरु भएको रिले अनसनको एक महिना पुरा भए पनि सरकारसँग अझै औपचारिक वार्ता हुनसकेको छैन ।
रिले अनसनमा बसेका गठबन्धनका नेताहरुले वार्ताका लागि सरकारले कुनै पनि पहल नै नगरेको भन्दै असन्तुष्टि जनाएका छन् । आन्दोलनरत दलका नेताहरुले मधेसका माग पुरा नहुञ्जेल आन्दोलन नरोकिने बताए ।
गठबन्धनका नेताहरुले माग पूरा नभए अझ कडा आन्दोलन गर्ने चेतावनी दिएका छन् । आगामी कार्यक्रमको तय गठबन्धनको बैठकले गर्ने उनीहरुले बताएका छन् ।
« प्रधानमन्त्रीज्यू, अब एउटा घोषणा गरिदिनुहोस् प्लिज ! (Previous News)
(Next News) तामाङ डाजाङको १५४ औ ग्योइकाइ कार्यक्रम हुँदै »
