काठमाडौं, २१ असार – नेपाली वितरकले अहिलेसम्मकै उच्चमूल्यमा सलमानखानको फिल्म सुल्तान खरिद गरेका छन् । गोपिकृष्ण मूभिजले ३ करोड २० लाख नेरु (२० लाखभारु)मा फिल्म यशराज फिल्मस्बाट किनेको हो । यो कारोबार नेपाली फिल्मबजारमा अहिले सम्मकै उच्च हो । यसअघि करोडभन्दा बढी मूल्यमा खान अभिनित फिल्म किनिएपनि यति मूल्य हालिएको थिइएन ।

गोपिकृष्ण वितरण प्रमुख प्रदीप दाहालका अनुसार एड्भान्स रकम स्वरूप गोपिकृष्ण भारतीय वितरक यशराज फिल्मस्लाई उक्त रकम बुझाएको हो । ‘फाइदाभएपनि र घाटा भएपनि त्यही रकमबाट व्योहोर्ने सर्तअनुसार उक्त एड्भान्स रकम बुझाइएको हो’ दाहालले भने । सुल्तान बुधवार देशभर रिलिज हुँदैछ । ‘एड्भान्स बुकिङ’ समेत उच्च छ ।