हेडलाईन

भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने         नेपाल आदिवासी जनजाति महासंघ इजरायलको अध्यक्षमा नानीमाया योन्जन तामाङ चयन         मातृभाषाको विकल्पमा ऐच्छिक विषय गणित, कम्प्युटर राखिएकोमा हटाउन माग         राष्ट्रिय नेवा: खल: इजरायलको अध्यक्षमा राजकुमारी श्रेष्ठ चयन         प्रवासी नेपाली मंच इजरायलको दोश्रो अधिबेशन हुदै         इजरायलमा सिसेक्पा तङनाम ५०८२ सांगीतिक धमका कार्यक्रम हुदै         किराँत राई यायोख्खा इजरायलको अध्यक्षमा दिप कुमार थुलुङ् राई चयन         नेपाली समाज इजरायलको ऐतिहासिक तेस्रो स्थापना दिवस मनाउदै        

जर्मनी-ईटालीको रोचक पेनाल्टी भिडन्त : १० मध्ये ४ गोल मात्र

काठमाडौं, असार १९ । संभवत : अहिलेसम्मकै रोचक पेनाल्टी सुट आउट । दुबै टोलीका सुरुवाती १० प्रहारमध्ये ६ वटा विफल, चार वटा प्रहार मात्रै गोलमा परिणत । यो दृश्य थियो, युरोकप फुटबल अन्तर्गत शनिबार राती सम्पन्न ईटाली र जर्मनीविचिको तेस्रो क्वानटरफाईनल खेलको पेनाल्टी सुट आउटको ।

निर्धारित ९० मिनेटमा १-१ गोलको बराबरी र थपिएको ३० मिनेटमा गोलरहित बराबरी भएपछि फ्रान्सको बोर्डोस्थित रंगशालामा शनिबार राती भएको ईटाली र जर्मनीविचको युरोकप क्वाटरफाईनल भिडन्तको छिनोफनो टाई ब्रेकरबाट हुने भयो ।

ठुला महत्वपूर्ण प्रतियोगिताहरुमा यसअघि ईटालीलाई पराजित गर्न नसकेको जर्मनी यसपटक इतिहासको दुर्भाग्य तोड्ने लक्ष्यमा थियो । उता इटाली पनि के कम ? सधै जर्मनीलाई स्तब्ध बनाँउदै आएको इटालीयन फुटबल टोली यसपटक पनि पछि हट्ने कुरै थिएन । जब खेल टाई ब्रेकरमा पुग्यो, विश्वभरका फुटबलप्रेमीहरु झनै उत्साहित बने । बोर्डो रंगशालाभित्रको रौनक र उत्साह अर्कै थियो ।

सुरुमा ईटालीका लोरेन्जो इन्सिग्नेले गोल गरे । यसपछि जर्मनीका टोनी क्रुसले गोल गर्दै बराबरी गरे । यसपछि पेनाल्टी प्रहारकै लागि भनेर अतिरिक्त समयको अन्तिम मिनेटमा मैदान छिरेका सिमोनी जाजाले गोल गर्न नसक्दा इटालीमाथि दबाब परयो ।

लगत्तै जर्मनीका थोमस मुलर पनि गोल गर्नबाट चुके । ईटालीको लागि तेस्रो प्रहार लिएका आन्द्रे बार्जाग्लीले गोल गर्दा जर्मनीका मेसुत ओजिलको प्रहार विफल भयो । नियमित खेलको ६५ औं मिनेटमा गोल गर्दै टोलीलाई अग्रता दिएका ओजिलले पेनाल्टी प्रहार भने खेर फाले ।

इटालीका लागि चौथो प्रहार लिएका ग्रेजियानो पेलाले गोल गर्न नसक्दा जर्मनीका जुलियन ड्राक्सलरले गोल गर्दै टोलीलाई २-२ को अवस्थामा पुर्याए । नियमति पेनाल्टीको पाँचौ प्रहार ईटालीका लियोनार्दो बोनुचीले लिए ।

निर्धारित ९० मिनेटको समयभित्र पाएको पेनाल्टीलाई गोलमा बदलेका बोनुची यतिवेला भने जर्मनीका गोलरक्षक म्यानुएल नायरसामु चुके । अब पासा जर्मनीको पक्षमा गयो । जर्मनीका लागि अन्तिम प्रहार लिने अवसर पाए कप्तान बास्टियन स्वेन्सटाईगरले ।

तर स्वेन्सटाईगरको प्रहार गोल बार माथिबाट बाहिरिएपछि जर्मनीले खेल जित्ने अवसर खेर फाल्यो । निर्धारित ५-५ वटा प्रहारमध्ये दुई दुई वटा मात्रै गोल भयो । ईटालीका गोलरक्षक जियानलुईगी बुफोन र जर्मनीका म्यानुअल नायरले एक एकवटा प्रहार बचाएभने दुबै टोलीका दुई दुई जना खेलाडीको प्रहार बाहिरियो । यसपछि खेल सडन डेथमा पुग्यो ।

सडन डेथमा ईटालीका ग्याकेरिनी, पारोलो र डि सिग्लियोको प्रहार गोल भयो । जर्मनीका लागि पनि हुमल्स, किमिच र बोआटिङले लगातार गोल गरे । ईटालीका लागि नवौं प्रहार लिएका माटियो डार्मीयानको नरम प्रहारलाई विपक्षी गोलरक्षक नायरले बचाइदिए ।

यसपछि जर्मनीका जोनास हेक्टरलाई आफ्नो टिमलाई विजयी गराउने स्वर्णीम अवसर मिल्यो । यो अवसर सदुपयोग गर्दै हेक्टरले जर्मनीलाई सेमिफाईनलमा मात्रै पु¥याएनन्, ईटाली विरुद्धको जितविहिन श्रृंखलामा समेत पुर्णविराम लगाईदिए । यो जितसँगै जर्मनीले अघिल्लो युरोकपको सेमिफाइनलमा ईटालीसँग भोगेको हारको बदला समेत लिएको छ ।

प्रशिक्षक वाकिम लोउको टोली जर्मनीले अब सेमिफाईनलमा फ्रान्स वा आईसल्याण्डमध्ये एकको सामना गर्नेछ । उता आधुनिक फुटबलका मास्टर माईन्ड मानिने एन्टोनियो कोन्टेको टोली ईटालीको यात्रा भने टुंगिएको छ ।

यो खेलमा जर्मनीले सुरुवाती पाँच मध्ये तीन पेनाल्टी प्रहार खेल फालेको थियो । पेनाल्टी प्रहारमा यसअघि जर्मनीले अहिलेसम्मकै सबै खेलमा जोड्दा पनि यती धेरै प्रहार खेर फालेको थिएन । यो खेलको परिणाम जे भएपनि रोचक पेनाल्टी प्रहारले यो खेललाई विश्व फुटबलको इतिहासमा एउटा सम्झनलायक भिडन्तको रुपमा हेरिनेछ ।

 






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution