काठमाडौं– अमेरिका, जापान, क्यानाडा लगायतका देशमा पठाउने बहानामा ठगी गरेको आरोपमा महानगरीय प्रहरी परिसर काठमाडौंले एक पिएचडी होल्डर ज्योतिषलाई प्रक्राउ गरेको छ । प्रहरीले पुण्यप्रसाद दंगाललाई थानकोटको अरविन्द्र योग आश्रमबाट पक्राउ गरेको हो ।

प्रहरीका अनुसार यसरी ठग्थे दंगाल

जापान, क्यानाडा, अमेरिका लगायतका मुलुकहरुमा भुकम्प पीडित कोटामा पठाई दिनको लागि विषेश कोटा आएको छ भन्थे
प्रलोभन देखाई विभिन्न व्यक्तिहरुबाट ठुलो मात्रामा रकम लिन्थे |
दंगाल सिन्धुपाल्चोक सानोसिरुवारी –६ का स्थायी बासिन्दा हुन् भने अहिले काठमाडौंको मण्डिकाटार बस्छन् । उनी ७५ बर्षका भएका छन् ।

यसरी परे फन्दामा

पीडितहरुले महानगरीय अपराध महाशाखामा आई निवेदन दिएका थिए ।त्यसपछि महाशाखाबाट खटिएको विषेश टोलीले उनलाई प्रक्राउ गरेको थियो ।पक्राउ परेका उनलाई ठगी मुद्दामा आवश्यक कारवाहीको लागि महानगरीय प्रहरी परिसर काठमाण्डौ पठाईएको छ ।

प्रारम्भिक अनुसन्धानमा भेटियो

–दंगालले जोतिषी सिद्धान्तमा एिएचडी गरेको, सस्कृत र फलितमा आचार्य पास एवं एमएससी र एइएड डिग्री प्राप्त गरेका छन् ।
–कास्की जिल्ला र रुपन्देही जिल्लामा पुर्व जिल्ला शिक्षा अधिकारीका रुपमा ५ बर्ष कार्य गरी अवकाश लिएका थिए ।
–द्धन्दकालमा विस्तापित भई अमेरिकामा ४ बर्ष बसेका थिए । त्यहीबाट अमेरिका,जापान,क्यानाडामा सम्पर्क स्थापित गरेका थिए ।
–अहिलेसम्म ७ जनालाई अमेरिका पठाई सकेका थिए ।
–अमेरिका,जापान,क्यानाडामा उनका एजेन्ट छन् ।
–विजय भण्डारीबाट ४ लाख २५ हजार, मोहिनी ताल्चा महतबाट ५ लाख, सगुन मानान्धरबाट २ लाख, छिरीङ्ग तामाङ्गबाट १ लाख,राम बहादुर तामाङ्गबाट १ लाख,खुदनाथ घोडासैनिबाट ४ लाख ४० हजार, विकाश तामाङ्गबाट ३ लाख, सितामाया तामाङ्गबाट ३ लाख ४५ हजार गरी जम्मा २४ लाख ३० हजार लिएको देखिएको छ ।
–अमेरिकाको लागि १६ लाख,क्यानाडाको लागि १२ लाख र जापानको लागि १० लाख असुल्थे ।
–अहिले अरु पीडित खोज्दैछ प्रहरी ।