नेपाल रेन्बुकाइ कराते डो सङ्घको दोस्रो साधारणसभाले रेशमलाल लामा तामाङको अध्यक्षतामा १३ सदस्यीय केन्द्रीय कार्यसमिति निर्विरोध चयन गरेको छ ।

आज बसेको कार्यसमितिको बैठकले प्रेमलाल बोम्जनलाई सहअध्यक्ष, कमलराज लामालाई वरिष्ठ उपाध्यक्ष, शिवबहादुर बस्नेतलाई उपाध्यक्ष, बुद्धवीर लामालाई महासचिव, डिलकुमारी नेपाललाई सचिव तथा सुस्मिता गुरुङलाई कोषाध्यक्षको जिम्मेवारी तोकेको छ । त्यस्तै युद्ध लामा, रमेश तामाङ, दशरथ चन्द, रामप्रसाद खनाल, शेशुका राई तथा हीरादेवी राई सदस्यमा चयन भए ।

त्यसैगरी, अनिता परियार र गणेश विक उपाध्यक्ष तथा गोविन्दकुमार महर, पेमा तामाङ, तिलक भण्डारी, जितकुमारी घर्तीमगर र आशिष आलेमगर सदस्यमा मनोनित भएको नवनिर्वाचित सङ्घले जनाएको छ । अध्यक्ष लामा अघिल्लो कार्यसमितिमा महासचिव हुनुहुन्थ्यो ।