बहराइनमा राजु लामा (मंगोलियन हर्ट) र सुवानी मोक्तानको साथमा सांगीतिक कार्यक्रम हुदै
तामाङ सेवा समाज , बहराइनको आयोजनामा बहराइनको राजधानी मानमा स्थित डेलमुन इन्टरनेस्नल होटेल प्रांगणमा सांगीतिक साँझ -2016 प्रसिद्ध गायक राजु लामा र चर्चित गायिका सुवानी मोक्तानको साथमा आयोजन हुने भएको छ |
बहराइन तामाङ सेवा समाजले 2013 मा सम्पन्न बहराइन नेपाली आइडल प्रतियोगितामा बिजय भएका सागर राई द्वारा एकल स्वर दिएको क्यासेट एल्बम बिमोचन र मिस नेपाली बहराइन प्रीया उप्रेती द्वारा अभिनय गरेको म्युजिक भिडियो सार्वजनिक गर्ने उक्त कार्यक्रममा गायक राजु लामा र गायिका सुवानी मोक्तान उपस्थित हुने भएका हुन्।
कार्यक्रममा ब्यबसायिक नृत्य निर्देशक द्वारा नृत्यमा माहिर स्थानिय कलाकारहरुलाई विभिन्न नृत्य बिद्यामा उतार्ने भएकोले बहराइनमा यो कार्यक्रम हाल सम्मकै भिन्न अनि पृथक हुनेछ भन्दै कसैले पनि छुटाउन नहुने संस्थाका महासचिव सोनम दोङ तामाङले बताउनु भएको छ।
उक्त कार्यक्रममा सम्पुर्ण बहराइनबासी नेपाली दाजुभाइ दिदिबहिनीहरु उपस्थित भई सभ्य एबं भब्य रुपमा सफल पारिदिनु हुन संस्थाका अध्यक्ष श्री श्रवन मिक्चन तामाङले अनुरोध गर्नु भएको छ।