असार ८, २०७३- सोमबार अफगानिस्तानको काबुलमा आतंकवादी हमलामा मारिएका १२ नेपालीसहित २४ जना कामदारलाई लिएर राष्ट्रिय ध्वजावाहक नेपाल वायुसेवा निगमको चार्टर विमान काबुलबाट काठमाडौंका लागि उडेको छ ।

बिहान साढे ३ बजे काबुलको लागि उडेको एयरबसले काबुल घटनामा मारिएकाको शव र २४ जना कामदारलाई लिएर आउन लागेको जानकारी परराष्ट्र मन्त्रालयका प्रवक्ता भरतराज पौड्यालले बताए ।

उनको अनुसार विमान करिब ३ बजे तिर काठमाडौंमा अवतरण गर्ने छ ।

काबुल घटनामा घाइते भएका ५ जना नेपालीलाई थप उपचारका लागि काबुलबाट साफी एयरलाइन्सकाे विमानमा नयाँ दिल्ली लगिएकाे जानकारी प्रवक्ता पौड्यालले दिए ।