हेडलाईन

भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने         नेपाल आदिवासी जनजाति महासंघ इजरायलको अध्यक्षमा नानीमाया योन्जन तामाङ चयन         मातृभाषाको विकल्पमा ऐच्छिक विषय गणित, कम्प्युटर राखिएकोमा हटाउन माग         राष्ट्रिय नेवा: खल: इजरायलको अध्यक्षमा राजकुमारी श्रेष्ठ चयन         प्रवासी नेपाली मंच इजरायलको दोश्रो अधिबेशन हुदै         इजरायलमा सिसेक्पा तङनाम ५०८२ सांगीतिक धमका कार्यक्रम हुदै         किराँत राई यायोख्खा इजरायलको अध्यक्षमा दिप कुमार थुलुङ् राई चयन         नेपाली समाज इजरायलको ऐतिहासिक तेस्रो स्थापना दिवस मनाउदै        

मेरो बुद्धलाई बचाऊ

bd
-जगदीश शमशेर राणा

राजकुमार सिद्धार्थ नेपालमा जन्मिए । दरबारमा २९ वर्ष सांसारिक जीवन बिताएपछि उनलाई लाग्यो– यो त जिन्दगी होइन । त्यसपछि दरबारको सुखसयल त्यागेर १० वर्षसम्म योगध्यान–तपस्या गर्दै विभिन्न ठाउँ चहारे । मानव जीवनको सत्य के हो भन्ने प्रश्न मनमा थियो, सोचेर महीनौं–वर्षौं बिताए । त्यही क्रममा बोधगयामा बुद्धत्व (ज्ञान) प्राप्ति भयो ।

बुद्धले संसारमा दुःखैदुःख छ (दुखम् दुखम्), सबै त्यो दुःखबाट निस्केर सुख चाहन्छन् (सुखम् सुखम्), संसारमा हर कुरा छिनछिनमा परिवर्तन भइरहन्छ (क्षणिकम् क्षणिकम्), हरेकको आ–आफ्नै लक्षण हुन्छ (स्वलक्षणम् स्वलक्षणम्) र जीवनचक्र अन्ततः शून्यमा (शून्यम् शून्यम्) पुग्छ भने । यसरी मानिसको जीवनचक्र घुमेर शून्यमा पुग्नु पूर्णताको अवस्था हो । बुद्धले यसलाई प्रज्ञानको अवस्था भनेका छन्, जहाँ करुणाको प्रधानता हुन्छ । बुद्धले यी पाँच आधारभूत सत्यबाहेक छैटौं कुरा भनेनन् ।

२० औं शताब्दीका ठूला चिन्तक, आविष्कारक, वैज्ञानिक अल्वर्ट आइन्स्टाइनको सापेक्षतावादको सिद्धान्तले पनि संसारको चिन्तनधारामा क्रान्ति ल्यायो । बुद्धको उपदेशमा पनि सापेक्षतावाद छ– सबै सत्य ध्रुवसत्य हुँदैनन् । हरेकको स्वलक्षण हुन्छ, विचारमा करुणा हुनुपर्छ । आइन्स्टाइनको आविष्कारमा करुणा भए झलमल बत्ती बल्छ र नभए एटम बम बनेर सर्वनाश हुन्छ ।
आज बुद्धका उपदेशको सारहरूलाई, ‘ॐ मणि पद्मे’ लाई अनेकानेक विचार, आलेख–किताब, गुम्बा–बिहार, श्रीसम्पत्ति–स्रोत र रणनीतिहरूले छोपिदिएका छन् । बुद्धका नाममा अनेक दर्शन, विचार, सिद्धान्त, सम्प्रदाय बनाइएको छ र वास्तविक उपदेशहरू थाकका थाक किताबमुनि किचिएका छन् । अनि बुद्धका सामान्य विचारहरू प्रचार भइराखेका छैनन् ।

बरु, वरत्र–परत्र सबैतिर बुद्ध हाम्रो हातमा भएको छ । बौद्धधर्मावलम्बीहरूको दानबाट झिलिमिली गुम्बाहरू चलेका छन् । बुद्धको नाममा गरिएको ‘उत्पादन’ बाट ठूलो बजार खडा गरिएको छ । मेरा बुद्धलाई आज लाखौं किताब, हजारौं गुम्बा, बुद्ध मूर्ति, श्रीसम्पत्ति, स्रोत, उत्तरआधुनिक व्याख्या र रणनीतिले थिचेको छ ।

आज बुद्धलाई आफ्नो पक्षमा पार्ने होड छ । हामी पनि बुद्ध हाम्रो हो, भारतको होइन भनिरहेका छौं । यो के भनेको ? बुद्ध त सबैको हो । बुद्ध त विचार हो, मान्छे त उनी जस्ता कति आए, कति गए । बुद्धको विचारलाई छाडेर बुद्धलाई आ–आफ्नो बनाउनु मूर्खता र दुःख मात्र हो । हिजो लंकामा के भयो ? आज बर्मामा के भइरहेको छ ?

बुद्धले ‘मैले भनेको भनेर नपत्याऊ, मेरा कुरालाई सुनारले जस्तै आगोमा पोल, घनले कुट अनि कसी लगाऊ, खरो उत्रेपछि मात्र पत्याऊ’ भने । अर्काे कुनै धर्म भन्छ– सबै धर्म छोडिदेऊ, मैले भनेको पत्याऊ । अब हामीले सबै धर्म छाडिदिनु कि कसी लगाएर मात्र पत्याउनु ? बुद्धको अनुयायी बन्नु कि उनको मूर्ति बनाएर प्रचार–व्याख्या गर्नु ? तामझाम नै गर्ने हो भने त पुराण लगाएर पनि तीन करोडसम्म उठ्न थालेको छ ।
आज मेरो विन्ती छ– शताब्दीयौं लगाएर भगवान बुद्धमाथि गरिएको ‘उत्पादन’, जसले आदि बुद्धका सामान्य सत्य सन्देशहरूलाई ओझेलमा पारेको छ, त्यसलाई हटाउने काम होस् । इतिहासको प्रशोधन होस्, जसबाट सामान्य बुद्ध उपदेशहरू बुद्धका महागाथा, दर्शन र सिद्धान्तको भारबाट मुक्त होस् ।






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution