हेडलाईन

इजरायलमा न्हु: दँ नेपाल संवत् ११४३ तथा म्ह पूजाको अवसरमा सांस्कृतिक कार्यक्रम गर्दै         नेपाल तामाङ घेदुङ इजरायलको आठौं आदिवेशन हुदै         इजरायलमा मणिपूजा प्रवचन कार्यक्रम हुदै         इजरायलमा मंगोलियन हार्ट लाईभ कन्सर्ट सम्पन्न,राजु लामालाई दोसाल्ला ओढाएर सम्मान         लोकप्रिय गायक राजु लामा सहित मंगोलियनहार्टका कलाकारहरु इजरायल आईपुगे         इजरायलमा महाकबि सिद्धीदास महाजूको १५५ औ जन्म जयन्तीको अबसरमा साहित्यिक कार्यक्रम हुदै         नेपाल तामाङ घेदुङ बहराईनको ५ औं अधिवेशनबाट अध्यक्षमा श्रवण बम्जन तामाङ चयन         भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने        

डा. भट्टराईलाई प्रश्न: हिसिला यमी भ्रष्टाचारका प्रसंगमा विवादित हुनुभएको छ नि ?

bhattarai
नयाँ शक्ति नेपालका संयोजक बाबुराम भट्टराई पार्टी स्थापनाको औपचारिक घोषणा सभा र दुई दिने छलफल सत्रको चटारो सके पनि हतारोमै थिए । त्यही मौका पारेर डा. भट्टराईसँग गरेको कुराकानी :

नयाँ शक्ति र अरू दलबीचको भिन्नता के हो ?
संविधानसभाबाट संविधान जारी भइसकेपछि ८० वर्षदेखिको लोकतान्त्रीकरणको चरण मूलत: पूरा भएको छ । अब हामी आर्थिक विकास र समृद्धिको चरणमा प्रवेश गरेका छौँ । त्यसैले एउटा नयाँ सोँच, शैली र संगठनात्मक ढाँचासहितको शक्ति चाहिन्छ भनेर हामीले नयाँ शक्ति स्थापना गरेका हौँ । यस हिसाबले हामी वैकल्पिक राजनीतिक धारका अगुवा हौँ ।
सिंगो एमाओवादी पार्टी तपाईंकै एजेन्डामा हिँडिरहेकै थियो । फेरि नयाँ शक्ति किन चाहियो त ?
अब विकास र समृद्धिको योजना पूरा गर्न पुराना पार्टीहरू मात्र पर्याप्त छैनन् । तीभन्दा माथि उठेको नयाँ विचार र नयाँ सोँचसहितको पार्टी चाहिन्छ । त्यो भनेको नयाँ शक्ति नै हो ।

३८ वर्षसम्म कम्युनिस्ट आन्दोलनमा रहँदा कार्यान्वयन गर्न नसकेको कुरा तपाईं ६२ वर्ष पुगेर नयाँ पार्टी गठन गर्दैमा कसरी पूरा होला ?
अहिलेसम्मको यात्रामा परिवर्तनको ठूलो एजेन्डा कार्यान्वयन गरियो । गणतन्त्र, धर्मनिरपेक्षता, समावेशी, समानुपातिक लोकतन्त्र कसका कारण आयो ? माओवादी आन्दोलनकै कारण आएको होइन र ? म त्यही आन्दोलनको अगुवा थिएँ । अब त्यो कार्यभार पूरा भयो । नयाँ कार्यभारका निम्ति नयाँ विचारसहितको नयाँ शक्ति चाहिएको हो ।

नयाँ शक्तिको भविष्य के हिसाबले सफल र फरक हुन सक्छ ?
कुनै पनि पार्टी लहडले बन्ने होइनन् । हामीले पनि कोहीबाट फरक हुन इच्छा जागेर बनाएको होइन । हामीले निर्माण गरेको पार्टीले इतिहासको आवश्यकता पूरा गर्छ । सात वर्षभित्र गरिबी र बेरोजगारी अन्त्य गर्ने, १५ वर्षभित्र मध्यमस्तरको विकासमा पुर्‍याउने र २५ वर्षभित्र संसारको सबभन्दा समुन्नत देश बनाउने सोच र योजना छ हामीसँग । नयाँ शक्तिको यो परिकल्पना अरू पार्टीभन्दा फरक छ र सफल हुन्छ ।

चुनौती के के देख्नुभएको छ ?
संविधान संशोधन गरेर प्रत्यक्ष राष्ट्रपतीय प्रणालीमा जान सकिएन भने स्थिरता आउँदैन, स्थिरता नभई विकास र समृद्धि सम्भव हुँदैन । पहिलो चुनौती यही हो ।

दोस्रो चुनौती हो, जातीय समुदायबीचमा एकता कायम गर्नु । विविध जातीय विशेषता भएको मुलुकमा जातीय समुदायबीच एकता कायम गर्न सकिएन भने द्वन्द्व सिर्जना हुन सक्छ । द्वन्द्वले विकास र समृद्धिलाई असर पार्छ ।

तेस्रो चुनौतीचाहिँ भारत र चीनजस्ता दुई ठूला अर्थतन्त्र भएका देशबीच सन्तुलन कायम राख्नु हो । यी दुई मुलुकबीच सन्तुलन कायम गर्न सकियो भने मात्र दुई ठूला बजारको फाइदा लिएर विकास र समृद्धिको योजना लागू गर्न सक्छौँ । तर, सकिएन भने उनीहरूको रणनीतिक स्वार्थ जुधेर हाम्रो देश अस्थिरतातिर जान्छ । हामीले मुख्य गरी यी तीनवटा चुनौती सामना गर्नुपर्ने हुन्छ ।

नयाँ शक्तिको वैचारिक लाइनचाहिँ के हो ?
यसबारेमा व्यापक छलफल गरी आउँदो ८/१० महिनाभित्र महाधिवेशनबाट टुंगो लगाउँछौँ ।त्यतिन्जेलको छलफलका लागि हामीले उन्नत लोकतन्त्रउन्मुख वाम लोकतन्त्र भनेका छौँ ।

वाम लोकतन्त्र भन्ने आफैँमा अस्पष्ट विचार होइन र ?
यो बिलकुल स्पष्ट विचार हो । वाम भनेको यथास्थितिभन्दा अघि बढेको प्रगतिकामी शक्ति हो । लोकतन्त्र भनेको जनताको प्रत्यक्ष सहभागिता रहने प्रणाली हो । हिजोको राज्यकेन्द्रित समाजवादी व्यवस्थामा जनताको लोकतान्त्रिक अभ्यास ठीक ढंगले हुन सकेन । र, उदारवाद एवं नवउदारवादमा जनताका प्रगतिशील आकांक्षा पूरा हुन सकेनन् । त्यसैले दुवैका सीमा बुझेर हामीले त्यसभन्दा माथि उठेको वाम लोकतन्त्रको परिकल्पना गरेका हौँ ।

नयाँ शक्तिका नाममा बाबुराम भट्टराईलाई नयाँ ढंगले प्रस्तुत गरिएको होइन ?
यो गलत कुरा हो । हामी २१औँ शताब्दीका पछिल्ला ज्ञान र विज्ञानले सुसज्जित नयाँ विचार, नयाँ संस्कार र शैलीमा आधारित नयाँ शक्ति निर्माण गर्न चाहन्छौँ । अहिलेको सुरुआत प्रारम्भिक मात्र हो । आगामी दिनमा व्यापक छलफल गरेर हाम्रो विधान, कार्यदिशा, विचारलाई अन्तिम रूप दिन्छौँ ।

पार्टीको नेतृत्व प्रणाली एकल हो कि सामूहिक ?
हाम्रो नेतृत्व प्रणाली सामूहिक हुनेछ । सामूहिक मात्र होइन, यो सहभागितामूलक पनि हुन्छ । सामूहिक र बहुपदीय प्रणालीमा जान्छौँ ।

सामूहिक हो भने तपाईंपछिको नेता को ? देवेन्द्र पौडेल, रामचन्द्र झा, रामेश्वर खनाल वा अरू कोही ?
एउटा लोकतान्त्रिक पार्टीमा व्यक्तिलाई टीको लगाएर प्रस्तुत गरिँदैन । निर्वाचन प्रणालीमा गएपछि कार्यकर्ताले जसलाई रुचाउँछन्, त्यही नै नेता बन्छ ।

तर, हिजो प्रचण्ड प्राधिकार भए भन्दै विरोध गर्ने तपाईंले आज नयाँ शक्तिका नाममा आफैँ प्राधिकार किन लिनुभएको ?
म संयोजक मात्र छु । कसरी प्राधिकार भएँ ? पार्टीको अन्तरिम विधान अनुसार मैले संयोजनकारी भूमिका मात्र खेल्छु । म कुनै निजी, व्यक्ति प्राधिकार स्थापित गर्न चाहन्नँ । र, हामीले विधानमा स्पष्ट लेखेका छौँ, एक व्यक्ति एक पद र एक पद अधिकतम दुई कार्यकाल । नयाँ शक्तिमा कोही पनि दुई कार्यकालभन्दा बढी पदमा बस्न पाउँदैन । हिजो २०–३० वर्षसम्म मान्छेहरू जसरी पदमा बस्थे, त्यो नयाँ शक्तिमा लागू हुन सक्तैन ।

तपाईंले एकातिर आफ्नै जीवनकालमा २५ वर्षभित्र विश्वकै समुन्नत देश बनाउँछु भन्नुभएको छ, अर्कातिर ७० वर्षको उमेरपछि सक्रिय राजनीति गर्दिनँ पनि भन्दै हुनुहुन्छ । यो परस्परविरोधी भएन ?
मैले आफ्नो जीवनकालमा नेपाल विश्वकै समुन्नत देश देख्न चाहन्छु भनेको छु । तर, म आफू ७० वर्षभन्दा बढी कार्यकारी पदमा बस्दिनँ । अहिले ६२ वर्षको भएँ । मर्न त भोलि पनि सकिन्छ । तर, सम्भावनाको कुरा गर्दा अझै २५ वर्ष बाँच्न सकिन्छ भनेको हो । ६२ वर्षको मान्छे २५ वर्ष बाँच्दा ८७ वर्षको भइन्छ । त्यस बेलासम्म मैले नेपाललाई समृद्ध भएको देख्न चाहेको हो । त्यसका निम्ति आफैँ कार्यकारी पदमा बस्ने भनेको होइन ।

आगामी निर्वाचनबाटै पहिलो शक्ति बन्ने दाबी गर्दै हुनुहुन्छ, त्यसको आधार के हो ?
नेपाली जनता छिट्टोभन्दा छिट्टो गरिबी, बेरोजगारीबाट मुक्ति चाहन्छन् । हामीले विकास र समृद्धिको त्यही एजेन्डा उठाएका छौँ । दोस्रो, हिमाल, पहाड, तराईका विभिन्न जाति, क्षेत्रका बीचका जनता एकता–सद्भाव चाहन्छन् । त्यसैले समावेशी, समानुपातिक लोकतन्त्र व्यवहारमा कार्यान्वयन गर्नुुपर्छ भनेका छौँ । त्यसको प्रयोग सुरु पनि गरिसकेका छौँ । तेस्रो र मुख्यचाहिँ भ्रष्टाचारको दलदलमा देश फसेको छ, जनता भ्रष्टाचारबाट मुक्त भई सुशासन हेर्न चाहन्छन् । भ्रष्टाचार अन्त्य र सुशासन स्थापना हामीले मुख्य एजेन्डा बनाएका छौँ । यिनै तीन मुख्य एजेन्डाका कारण हामी मुख्य शक्ति बन्नेछौँ ।

तर, तपाईंकै श्रीमती हिसिला यमी भ्रष्टाचारका प्रसंगमा विवादित हुनुभएको छ नि ?
हिसिलाजीका बारेमा सचेत ढंगबाट केही वृत्तबाट दुष्प्रचार गरियो । त्यसविरुद्ध उहाँले अदालतमा चरित्रहत्याको मुद्दा दायर गर्नुभयो । अदालतले हिसिलाजीको पक्षमा फैसला गर्‍यो । त्यसपछि ज–जसले चरित्र हत्याको आरोप लगाएका थिए, अदालतमा उहाँले जित्नुभएको प्रचार गरिएको छैन । हिसिला आफैँ एक सक्षम महिला, आर्किटेक्ट हुनुहुन्छ, समृद्ध घरानाको हुनुहुन्छ तर अहिले दु:ख गरेर डेराको घरमा बसिरहनुभएको छ । रहनसहन लवाइखवाइ हेर्ने हो भने पनि सामान्य महिलाका रूपमा देखिनु हुन्छ । अब उहाँले किन भ्रष्टाचार गर्नुपर्‍यो ? केका लागि भ्रष्टाचार गर्नुपर्‍यो ?

प्रसंग बदलौँ, संविधान संशोधन गर्नुपर्छ भनिरहनुभएको छ । त्यसको सूत्र के हुन सक्छ ?
संविधानसभाबाट संविधान बन्नु सकारात्मक कुरा हो । तर, त्यसमा केही त्रुटि छन् । सबभन्दा ठूलो त्रुटि भनेको प्रत्यक्ष निर्वाचित कार्यकारीमा जान नसक्नु हो । प्रत्यक्ष निर्वाचित प्रणालीमा नजाने हो भने अहिलेको मिश्रित र संसदीय शासकीय प्रणालीले अस्थिरता मात्रै ल्याउँछ । त्यसले देशलाई निकास र समृद्धितिर लाँदैन । यसलाई संशोधन गरेर प्रत्यक्ष निर्वाचित कार्यकारीमै जानुपर्छ ।
दोस्रो थारू, मधेसी, जनजाति बाहुल्य क्षेत्रमा प्रदेशको सीमांकन मिलेका छैनन्, त्यसलाई मिलाउन संशोधन गर्नुपर्छ । त्यसको आधारचाहिँ संविधानसभाको राज्य पुन:संरचना समिति र राज्य पुन:संरचना आयोगका प्रतिवेदनमा आधारित भएर सहमतिको आधारमा संशोधन गर्नुपर्छ । तेस्रो, महिलालाई आफ्ना सन्तानलाई नागरिकता दिन पाउने जुन अकुण्ठित अधिकार हुनुपर्ने हो, त्यो अहिलेको संविधानले दिएको छैन । त्यसमा संशोधन गरिनुपर्छ । @ एकान्तिपुर/नेपाल |






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution