हेडलाईन

भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने         नेपाल आदिवासी जनजाति महासंघ इजरायलको अध्यक्षमा नानीमाया योन्जन तामाङ चयन         मातृभाषाको विकल्पमा ऐच्छिक विषय गणित, कम्प्युटर राखिएकोमा हटाउन माग         राष्ट्रिय नेवा: खल: इजरायलको अध्यक्षमा राजकुमारी श्रेष्ठ चयन         प्रवासी नेपाली मंच इजरायलको दोश्रो अधिबेशन हुदै         इजरायलमा सिसेक्पा तङनाम ५०८२ सांगीतिक धमका कार्यक्रम हुदै         किराँत राई यायोख्खा इजरायलको अध्यक्षमा दिप कुमार थुलुङ् राई चयन         नेपाली समाज इजरायलको ऐतिहासिक तेस्रो स्थापना दिवस मनाउदै        

फिल्म निर्माणमा लागेका अभिनेत्री

karishma-and-rekha
काठमाडौं । अभिनयसँगै चलचित्र निर्माणमा अभिनेत्रीहरुको रुची बढ्दै गएको देखिन्छ । फिल्म निर्माणमा हात हाल्ने अभिनेत्रीहरुमा रेखा थापा सबैभन्दा बढी सफल देखिन्छिन् भने कतिपय पूर्णरुपमा असफल पनि भएका छन्। अभिनयसँगै निर्माणमा समेत हात हालेका केही अभिनेत्रीहरु ः

करिश्मा मानन्धर

सदाबहार सुन्दरी नायिका करिश्मा मानन्धरले गएको वर्ष चलचित्र फागू निर्माण गरिन् । शिल्पा पोखरेललाई मूख्य भूमिकामा लिएर सम्झना उप्रेती रौनियारलाई निर्देशनको जिम्मा लगाइन करिश्माले । फिल्मको गीतसंगीतले जति चर्चा पाएपनि फिल्मले आशातित व्यापार गर्न सकेन । ढुकढुकीमार्फत करिश्माले फिल्म निर्माणमा हात हालेकी थिइन् । ढुकढुकीको सफलताबाट हौसिएकी करिश्माले बाबुसाहेब बनाइन् ।

बाबुसाहेबले व्यापार नगरेपछि करिश्माले सिने उद्योग मात्रै होइन नेपाल नै छाडिन् । केही बर्ष अमेरिका बसेर फर्केकी करिश्माले नेपाल फर्किएर फेरि चलचित्रमा अभिनय थालिन् । त्यसको केही बर्षमा उनले फेरि निर्माणमै हात हालिन् फागूमार्फत । तर, फागुले पनि करिश्मालाई निर्मात्रीको रुपमा असफल सावित गरिदियो । अहिले नयाँशक्ति पार्टीमा आबद्ध करिश्माले छिट्टै फिल्मको निर्देशन गर्ने तथा पुस्तक लेख्ने तयारी गरिरहेको बताउँदै आएकी छिन् ।

रेखा थापा

फिल्म निर्माण कसैलाई फापेको छ भने त्यो हो रेखा थापालाई । निर्माता श्रीमान छवि ओझासँग सम्बन्धबिच्छेद भएपछि उनले काली निर्माण गरिन् । कालीले कमाल गर्यो । रेखाले हिम्मतवाली बनाइन् । हिम्मतवालीले कालीको व्यापार टप्यो । रामप्यारी बनाईन् । रामप्यारीले रेखालाई झन धेरै दर्शकको प्यारी बनाईदियो । छविसँग हुँदा अभिनयमार्फत दर्शकको मन जितेकी रेखाले अब एक्लै अभिनय, निर्देशन र निर्माणमार्फत दमदार व्यापार बढाइरहेकी छिन् ।

कलिउड क्विन रेखा अहिले पलाँसको सुटिङमा ब्यस्त छिन् । सामाजिक कामसँगै फिल्मी करिअरलाई अगाडि बढाइरहेकी रेखा यसबर्ष अरुकै ३ वटा फिल्ममा व्यस्त हुनेछिन् । वर्षको अन्त्यतिर उनले आफ्नो फिल्म थाल्नेछिन् । रेखा अब नारी प्रधान मात्र चलचित्र निर्माण मात्र होइन समाजका अन्य विषयलाई पनि उठाउन चाहन्छिन् ।

रोयल कथामा चलचित्र निर्माण गर्ने उनको धोको छ । यसका लागि कुशल निर्देशकको पनि उनलाई खाँचो छ । रेखाले आफूले निर्माण गरिरहेको चलचित्रको शैली पनि थोरै परिवर्तन गर्न चाहेको बताएकी छिन् ।

सुस्मिता केसी

अभिनेत्री सुस्मिता केसीलाई पनि फिल्म निर्माण फापेको देखिन्छ । अहिले उनैले निर्माण गरेको चलचित्र म ति तिम्रै हुँको चर्चा छ । नयाँ कलाकारलाई लिएर बनाएको फिल्ममा उनले पनि दमदार अभिनय गरेकी छिन् । फिल्म ७ गते रिलिज हुनेछ तर गीतसंगीतले भने स्रोता, दर्शकको मन जितिसकेको देखिन्छ ।

अभिनेत्री सुस्मिताको श्रीमान निर्माता, निर्देशक तथा अभिनेता भुवन केसीसँगको बैवाहिक सम्बन्ध लामो समय टिकेन । तर, भुवन र सुस्मिताले छुट्टिएर बसे पनि छोरा अनमोल केसीलाई भने उनको करिअरमा भरपूर साथ दिएका छन् । अनमोलले पनि बुवाको निर्माण रहेको ड्रिम्स खेलेर करोडौँ कमाईदिएका छन् भने आमालाई आफ्नो नाम दिएर फिल्म निर्माणमा सहयोग गरेका छन् ।

सुस्मिताले यसअघि नै करोडपति, नेपाली बाबु, म तिमी बिना मरिहाल्छु जस्ता सफल चलचित्र निर्माण गरिसकेकी छिन् । म त तिम्रै हुँले पनि यसअघिका फिल्मले जस्तै सफलता पाए सुस्मिता निर्मात्रीको रुपमा सिने उद्योगमा रहीरहने पक्का छ ।

नम्रता श्रेष्ठ

नायिका नम्रता श्रेष्ठले सोल सिस्टर बनाईन् । सोल सिस्टरको जति मिडियामा चर्चा भयो हलमा त्यति प्रशंसा बटुल्न सकेन । तर फिल्मसँगै होटल रेष्टुरेण्ट व्यवसायमा पनि हात हालेकी नम्रता यस फिल्मको असफलताले त्यति निराश छैनन् ।

व्यापार ब्यवसायमा रुची भएकी नम्रता आफूले खेल्ने फिल्ममा धेरथोर लगानी गरिरहन्छिन् । उनले अभिनय गरेका फिल्महरुमा नम्रताको थोरै भएपनि शेयर हुन्छ नै । पछिल्लो समय नम्रता अभिनित चलचित्रहरुले राम्रो ब्यापार गरिरहेको छ । यसप्रकार नम्रतालाई पनि अन्य कलाकारको तूलनामा बढी नै फाईदा भईरहेको अनुमान लगाउन सकिन्छ ।

ऋचा शर्मा

नयिका ऋचा शर्मा र उनका तत्कालिन प्रेमी बिनय श्रेष्ठले भिजा गर्ल बनाए । भिजा गर्लले युवापुस्तामा राम्रो चर्चा पायो तर व्यापार भने फ्लप रह्यो । भिजा गर्लको निर्माणले ऋचा र बिनयबीचको सम्बन्ध पनि टुटाएको भनिन्छ । ७ वर्ष प्रेम सम्बन्धमा रहेका ऋचा र बिनयको सम्बन्धमा फिल्मले नराम्रो व्यापार गरेपछि खटपट भएको बताईन्छ ।

त्यसयता बिनयले रेशम फिलिली निर्माण गरे भने ऋचाले अन्य फिल्ममा लगानी गर्ने आँट गरिनन् । ऋचा अभिनयमार्फत नै चर्चा र सफलतामा छिन् भने बिनयले अन्य फिल्ममा अनुहार देखाएका छैनन् ।

ऋचा सिंह ठकुरी

नायिका ऋचा सिंह ठकुरी पनि यस बर्षदेखि निर्मात्रीको रुपमा उदाएकी छिन् । अष्ट्रेलियामा बस्ने गजेन्द्रराज थापासँग विवाह गरेपछि सिने उद्योगबाट केही टाढा रहेकी यी नायिकाले यसबर्ष भने निर्मात्री बनेर उदाएकी हुन् । आफ्नै श्रीमानको निर्देशन रहेको सुपर गोर्खेको अहिले लगभग सुटिङ सक्किइसकेको छ ।

काठमाडौं, धरान, विराटनगरलगायतका ठाउँमा सुटिङ गरिएको सिनेमामा ऋचासँगै उनका श्रीमान गजेन्द्र, सचिन केसी, निराजन लुईँटेल लगायत शीर्ष भुमीकामा छन् । उनलाई चलचित्र निर्माण कतिको फाप्ला त्यो भने फिल्मले गर्ने ब्यापारले नै निर्धारण गर्नेछ ।

पूजा शर्मा

प्रेमगीतकी नायिका पूजा शर्माले एक उदियमान अभिनेत्री भएको संकेत दिएकी छिन् । २०७२ सालमा उनी अभिनित प्रेमगीत चर्चाको शिखरमा रह्यो भने ब्यापार पनि उत्तिकै गर्यो । सुर्दशन थापा निर्देशित फिल्मले पूजाको करिअर संभावना अझ फराकिलो बनाइदियो । यसअघि मधुमास, थ्री लभर्स, चङ्खे सङ्खे पङ्खेलगायतका फिल्म खेलेकी पूजाले ती सिनेमामा पनि उत्कृष्ट अभिनय गरेकी थिइन् ।

म्युजिक भिडियो हुँदै अभिनयमा आएकी पूजा अब भने निर्माणमा हात हाल्ने दाउमा छिन् । फिल्मको स्टोरीलाइन बनिसके पनि उनले कलाकार भने सार्वजनिक गरेकी छैनन् । निर्देशक सुर्दशन थापासँगै मिलेर बनाईने फिल्ममा उनी आर्यन सिग्देल या अनमोल केसी राख्न चाहन्छिन् । तर अनमोलले चलचित्र कृका लागि २० लाख रुपैयाँ पारिश्रमिक लिएर अबको एक बर्ष अन्य फिल्ममा नदेखिने बताइसकेका छन् ।

-उज्यालाेबाट






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution