नयाँ शक्ति नेपालको आम्दानी र खर्च विवरण
काठमाडौं- नयाँ शक्ति नेपालले पार्टी घोषणाको पूर्व सन्ध्यामा आम्दानी र खर्च विवरण सार्वजनिक गरेको छ। नयाँ शक्तिले पार्टी घोषणा कार्यक्रम सम्पन्न गर्न करिब १ करोड पाँच लाख लाग्ने अनुमान गरेको छ।
प्रवक्ता देवकोटाले जारी गरेको विज्ञप्तीमा एक लाख १४ हजार पाँच सय ४६ सदस्यको रेकर्ड अनुसार दस्यता शुल्कबाट एक करोड २० लाख २७ हजार तीन सय ३० प्राप्त हुने जनाइएको छ।
छलफल शत्रमा १५ सय प्रतिनिधि रहने र प्रवेश शुल्क ५०० का दरले सात लाख ५० हजार संकलन हुने जनाइएको छ। छलफल शत्रमा सचिवालय सदस्यहरुबाट १० हजार प्रवेश शुल्क लिइने छ । जसबाट नयाँ शक्तिलाई छ लाख ६० हजार प्राप्त हुने छ।
नयाँ शक्तिले अन्तरिम केन्द्रीय परिषदका सदस्यहरुलाई कम्तीमा पाँच हजार नघटाई स्वेच्छिक सहयोग गर्न अनुरोध समेत गरेको देवकोटाले बताए। जसबाट कम्तिमा १० लाख उठ्ने अनुमान रहेको छ।
अहिले सम्म समर्थकहरुबाट २५ लाख सहयोग संकलन भएको विज्ञप्तीमा उल्लेख छ। बैंक खातामा अहिले सात लाख २७ हजार नौ सय ९३ रुपैयाँ रहेको पनि नयाँ शक्तिले जनाएको छ। यसरी उसले एक करोड ७६ लाखको आम्दानी अनुमान गरेको छ।
यस्तै प्रचार–प्रसारमा ३७ लाख खर्च भएको जनाइएको छ। पार्टी घोषणा सभा व्यवस्थापनमा २० लाख, छलफल सत्रको खर्च १२ लाख, प्रतिनिधिहरुलाई वसोवास सहितको व्यवस्थापनमा १४ लाख, जनपरिचालन खर्च १० लाख र विविध खर्चमा १२ लाख अनुमान गरिएको देवकोटाले बताए।