जेष्ठ २९, २०७३- बाबुराम भट्टराई नेतृत्वको नयाँ शक्ति नेपाल र परशुराम तामाङ नेतृत्वको संघीय जनमुक्ति पार्टीबीच एकीकरण भएको छ । काठमाडौंमा शनिबार संयुक्त कार्यक्रम आयोजना गरी पार्टी एकता घोषणा गरिएको हो ।

संघीय जनमुक्ति पार्टी र नयाँ शक्ति नेपालबीच र्शीर्ष तहमा र वार्ता कार्यदल गठन गरी उक्त वार्ता कार्यदलका तहमा विगत चार महिनादेखि निरन्तर छलफल हुँदै आएको थियो ।

द्विपक्षीय लामो छलफलपछि देशको विद्यमान राजनीतिक अवस्था र परिस्थितिलाई समेत मध्यनजर गरी समायोजनको निर्णयमा पुगेको संयुक्त विज्ञप्तीमा उल्लेख छ ।

संघीय जनमुक्ति पार्टीको जेठ २८ र २९ मा काठमाडौंमा भएको महाधिवेशनले नयाँ शक्ति नेपालसँग समायोजन हुने संस्थागत निर्णय गरेको थियो । @ इकान्तिपुर |