जेष्ठ २१, २०७३- मुल घर रामेछापको मन्थली । त्यो घर रुघेर बसेकी छन् ६० वर्षकी बुढीआमा । यता काठमाडौंमा ८ वर्षकी छोरीलाई साथमा राखेर राज कुमार श्रेष्ठ पार्टी प्यालेसमा एक दशकदेखि जागिरे छन् । जागिरबाट आएको मासिक १२ हजार आम्दानीले तीनजनाको परिवार डेरामा पाल्न धौ धौ भएपछि एक वर्षअघि मात्रै उनले पत्नी सरुलाई बहराईन पठाए । त्यसो गर्दा उनलाई ८० हजार ऋण लागेको छ । ८ वर्षकी छोरी श्रेया बसुन्धाराको एउटा स्कुलमा २ कक्षामा पढैछिन् । यो राजकुमारको शुक्रबार दिउसोसम्मको हालखबर हो ।

यस्तै दुखमसुखम जिन्दगी चलाइरहेका राजकुमारलाई शुक्रबार साझ आमाको आर्शिवाद फाप्यो । कान्तिपुर मिडीया ग्रुपले संचालन गरेको ‘कान्तिपुरको करोडपती’ ग्राहक योजनामा डेढ महिनाअघि छोरी श्रेयाको नाममा कान्तिपुर दैनिकको वाषिर्क ग्राहक बनेका राजकुमारलाई १० लाख रुपैया पुरस्कार पर्‍यो ।

‘मेरी छोरीको फोन नम्बर सोध्दै कसैले १० लाख रुपैया पुरस्कार परेको सुनाएपछी म एकछिन त अचेत भएछु,’ बसुन्धाराको पार्टी प्यालेसमै रहेकाबेला सुनिएको खबरबारे उनले भने । उनले आफूलाई परेको पुरस्कार आमाको आर्शिवाद फापेको प्रतिक्रिया दिए । ‘पुरस्कार कन्र्फम मेरी छोरीलाई नै परेको खबर सबैभन्दा पहिला आमालाई गाउमा फोन गरी सुनाए,’ उनले भने, ‘अब बहराइन फोन गरेर श्रीमतीलाई सुनाउने छु ।’

कान्तिपुर पब्लिकेसन्स प्रालिले शुक्रबार एक महिनामा वितरण गर्ने ग्राहक योजनाको पुरस्कार रकम १० लाख बितरण गर्ने कार्यक्रमा राखेको थियो । यो अभियानको पहिलो १० लाख रुपैया पुरस्कारका लागी अभियानमा देशभरबाट सहभागी ग्राहकहरुको रसीद नम्बरको कुपनमध्येबाट एक जना छानिनु पर्ने थियो । छनौट कार्यक्रम कान्तिपुर टेलिभिजनको कल कान्तिपुर कार्यक्रमबाट प्रत्यक्ष प्रशारण गरिएको थियो । उक्त अभियानमा निम्त्याइएका पाण्डे न्यू एजेन्सीका संचालक निरोज पाण्डेले कुपन तान्दा श्रेय श्रेष्ठको कुपन नम्बर छनौटमा पर्‍यो ।

पब्लिकेन्सका एजिएम सुनिल बशिष्ठका अनुसार, कान्तिपुरले गत वर्ष संचालन गरेको करोडपती ग्राहक अभियान लोकपि्रय भएपछी यस्को दोस्रो संस्करण पुनः संचालन गरीएको छ । देशभरकालागी संचालन गरिएको अभियानमा हजारौं ग्राहक सहभागी भइरहेका छन् । यो अभियानले कान्तिपुर वा दि काठमाडौं पोष्टको ग्राहक बन्नेमध्येबाट एक जनालाई हरेक साता एक लाख, मासिक १० लाख र केही महिनापछी सम्पन्न हुने अभियानबाट बम्पर पुरस्कार अन्र्तगत १ करोड रुपैया प्रदान गर्ने छ । ग्राहक अवधि बाकि रहेकालाई पाठकहरुलाई पनि यस अभियानले समेटेको छ ।