प्रवास भुमि इजरायलमा गत २० मे २०१६ मा सम्पन्न भएको २५६० औ बुद्ध जयन्तीमा संकलन भएको रकम धुर्मुस सुन्तली फाउन्डेशन द्वारा सिन्धुपाल्चोकको गिरन्न्चौरमा एकिकृत बस्ति निर्माण अभियानलाई सहयोग गरेको छ |

नेपाल आदिबासी जनजाती महासंघ इजरायलको मूल आयोजना तथा इजरायल स्थित राजनीतिक,सामाजिक,सांस्कृतिक तथा धार्मिक ,विभिन्न संघ संस्था एवं सोसियल मेडियाहरुको सह आयोजनामा गत २० मे २०१६ मा सम्पन्न २५६० औं बुद्ध जयन्ती कार्यक्रमलाई सफल पार्न संस्थागत र ब्याक्तिगत रुपमा भक्तालुजनहरुले स्वेच्छाले प्रदान गर्नु भएको (भेटि स्वरुप) आर्थिक सहयोगबाट कार्यक्रमको लागत खर्च कटाइ बाँकी रहेको सम्पूर्ण रकम नेपालका चर्चित कलाकार धुर्मुस सुन्तली फाउन्डेशन द्वारा सिन्धुपाल्चोकको गिरन्न्चौर स्थित दोस्रो एकिकृत बस्ति निर्माण अभियानलाई १ लाख ९३ हजार ३ सय रुपैंया २ जुन २०१६ तदनुसार २०७३ साल जेष्ठ २० गते नेपाल आदिवासी जनजाती महासंघ इजरायलका पूर्व बरिष्ठ उपाध्यक्ष एवं कलाकार भुपेन्द्र गुरुङले कुन्जना घिमिरे (सुन्तली) लाई उहांकै कार्यकक्षमा भेट गरि हस्तान्तरण गर्नु भएको छ।

कार्यक्रमको मूल आयोजकको हैसियतले सहयोगीहरुको नामावली सहित सबै बिवरण सार्बजनिक गर्दै देश बिदेशमा रहेका हामी सम्पूर्ण नेपालीहरुले यो पुण्य कार्यमा साथ् दिनु पर्छ र दिनुहोस् भन्ने नेआज महासंघ इजरायल परिवार हार्दिक अनुरोध समेत गरेको छ |