जेष्ठ १८, २०७३- नेपाल मजदुर किसान पार्टीका अध्यक्ष नारायणमान बिजुक्छेले सरकार परिवर्तनको चलखेल सुरु भएको दाबी गरेका छन् ।

भारतका दुतहरुको चलखेल सुरु भएको भन्दै बिजुक्छेले कांग्रेस, मधेसवादी, राप्रपा नेपाल लगायतका राजनीतिक दलहरुको समिकरणमा सरकार निर्माणको प्रयास जारी रहेको बताए । उनले भारत लगायत युरोपियन मुलुकसमेत नेपालमा ‘नाम मात्रका वामपन्थी’को सरकार परिवर्तनमा लागेको उल्लेख गरे । ‘तर, एमालेले कांग्रेसलाई पनि यही सरकारमा ल्याउन सकिन्छ भन्दैछ,’ उनले भने ।

विजुक्छेले बजेट बिदेशी सहयोग र अनुदानमा निर्भर भएको बताए । बजेट नेपाल र नेपालीको आत्मनिर्भरतामा भन्दा पनि विदेशीको सहयोगमा भएकाले यसको कार्यान्वयनमा जटिलताका साथै परनिर्भर रहेको बताए ।