हेडलाईन

भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने         नेपाल आदिवासी जनजाति महासंघ इजरायलको अध्यक्षमा नानीमाया योन्जन तामाङ चयन         मातृभाषाको विकल्पमा ऐच्छिक विषय गणित, कम्प्युटर राखिएकोमा हटाउन माग         राष्ट्रिय नेवा: खल: इजरायलको अध्यक्षमा राजकुमारी श्रेष्ठ चयन         प्रवासी नेपाली मंच इजरायलको दोश्रो अधिबेशन हुदै         इजरायलमा सिसेक्पा तङनाम ५०८२ सांगीतिक धमका कार्यक्रम हुदै         किराँत राई यायोख्खा इजरायलको अध्यक्षमा दिप कुमार थुलुङ् राई चयन         नेपाली समाज इजरायलको ऐतिहासिक तेस्रो स्थापना दिवस मनाउदै        

माओवादीमा हजार केन्द्रीय सदस्य बनाउने तयारी

Maoists_unification
जेष्ठ १७, २०७३- ६ सय ९९ सदस्यीय केन्द्रीय समिति बनाएर आलोचित नेकपा (माओवादी केन्द्र) ले ३ सय केन्द्रीय सदस्य थप्दै हजार बनाउने तयारी गरेको छ । सोमबार पेरिसडाँडास्थित पार्टी मूख्यालयमा बस्ने बैठकले त्यसको निर्णय लिनेछ ।

माओवादी केन्द्रको संगठनात्मक विधि र नेतृत्व प्रणालीबारे टुंगो लगाउन वर्षमान पुनको नेतृत्वमा गठित उच्चस्तरीय कार्यदलले यसको तयारी गरेको हो । जेठ ६ गते १० माओवादी समूह मिलेर बनेको माओवादी केन्द्रको केन्द्रीय समितिमा पर्नेमा अधिकांश कनिष्ठ नेता रहेको भन्दै एकीकृत माओवादीबाट आएको पक्षले आक्रोश पोखेपछि पुनको कार्यदल दबाबमा परेको हो । उच्च स्रोतका अनुसार पुन स्वयंले एकता प्रक्रियामा आउदा अरु दलले केन्द्रीय समिति बढाएको तर एकीकृत माओवादीले नबढाएकोमा अध्यक्ष पुष्पकमल दाहालसग असन्तुष्टि जनाएका छन् । अहिल्यै सदस्य नथपिए दीर्घकालीन रुपमा आफ्नो पक्षको शक्ति कमजोर हुन जाने माओवादी केन्द्रको संस्थापन वृत्तको बुझाई छ ।

पुन कार्यदलले शनिबार र आइतबार यसको तयारी टुंग्याएको छ । कार्यदलले सोमबार बिहान अध्यक्ष पुष्पकमल दाहाल निवास लाजिम्पाटमा केही उच्च नेतासग यसबारे अनौपचारिक परामर्श लिने कार्यदल सदस्य जनार्दन शर्माले जानकारी दिए । ‘कति सदस्य बनाउने भन्ने अहिले निर्णय भइसकेको छैन, कार्यदलमा छलफल जारी छ,’ शर्माले भने, ‘हामीले सुझाव दिने हो, निर्णय हेडक्वार्टरले गर्छ । त्यसका लागि भोलि बिहान लाजिम्पाटमा बस्दैछौं ।’

माओवादी केन्द्रकी प्रवक्ता पम्फा भूसालले सोमबार दिउसो पेरिसडाडास्थित दलको मूख्यालयमा बस्ने हेडक्वार्टर र कार्यदलको बैठकले बिस्तृत छलफल गर्ने बताइन् । ‘हामीले पास गरेको त ६ सय ९९ नै हो, तर वरिष्ठता/कनिष्ठता मिलाउन बाकी छ,’ भूसालले भनिन्, ‘सदस्य त थपिन्छन् नै । भोलि पेरिसडाडामा छलफल हुन्छ । पर्सिसम्ममा कार्यदलले हेडक्वार्टरलाई अन्तिम सुझाव दिनेछ ।’ कार्यदल संयोजक पुन भने यसबारे खुल्न तयार भएनन् ।

विगतको एमाओवादीमा तल्लो तप्कामा रहेका, तर अर्को समूहमा फुटेर जादा सिधै केन्द्रीय सदस्य भएकाहरु आफ्नो नेता भएर आएको एकीकृत माओवादी पक्षकाहरुलाई मन परेको छैन । भ्रातृ संगठनको इकाईमा बसेका केही सहकर्मी फुटेर आफ्नो नेता हुन आएकोमा आपत्ति जनाउदै एमाओवादी पृष्ठभूमिका एक कार्यकर्ताले आइतबार सिंहदरबारस्थित संसदीय दलको कार्यालयमा सुनाए, ‘हिजो हाम्रो इकाइमा बसेकाहरु उताबाट सिधै केन्द्रीय सदस्य भएर आउदा हामी हेरेर बस्ने कुरा आउदैन । बरु अहिले संख्या बढोस्, तर यो मिलाउनै पर्छ ।’

कार्यदलका अर्का सदस्यले नेतृत्वले भद्दा केन्द्रीय समिति बनाउने तयारी गरेर गल्ती गरेको बताए । संगठनहरुको एकता भइरहेका बेला कार्यकर्तामा यो निर्णयले एकताको सन्देश नजाने उनको भनाई थियो । ‘खासमा मैले ३ सय सदस्यीय केन्द्र बनाउँ भनेर सुरुमा प्रस्ताव राखेको थिएँ, कमरेडहरुले मानेनन्,’ ती सदस्यले कान्तिपुरसग भने, ‘३ सय नाघेपछि वरिष्ठता नमिलेर हैरान हुने पक्का थियो, त्यसेले अब २५ सय सदस्यको केन्द्रीय समिति बनाए मात्रै कुरो मिल्छ । पार्टी चाहि स्थायी समितिले चलाउछ ।’

उच्च स्रोतका अनुसार सम्भवत: सोमबार नै टुंगिने थप केन्द्रीय सदस्यमा प्रदेश नम्बर ३ बाट मात्रै १ सय ११४ नेता थपिनेछन् । भौगोलिक र गैरभौगोलिक गरी जम्मा २० जिल्ला प्रदेश नम्बर ३ मा पर्ने भएकाले हरेक जिल्लाबाट ४ वा ५ नेता केन्द्रीय समितिमा पार्ने कार्यदलको तयारी छ । गैरभौगोलिक जिल्ला कमिटीमा विद्यार्थी, मजदुर, महिला, कर्मचारीलगायत भ्रातृसंगठनको फ्रयाक्सन् पर्छन् । माओवादी केन्द्रले औपचारिक निर्णय नलिउन्जेललाई यी सबै फ्रयाक्सन् हेर्नेगरी नेता लीलामणि पोखरेल इन्चार्ज भएका छन् ।

पुनको कार्यदलमा जनार्दन शर्मा, प्रभु साह, उर्मिला अर्याल, हितमान शाक्य, कुलप्रसाद केसी, पम्फा भूसाल, विश्वभक्त दुलाल, खगराज भट्ट, इन्द्र आङ्बुहाङ, देवशरण यादव, टीकाविक्रम हमाल र वसन्त घर्ती सदस्य रहेका छन् ।

यसै वर्षभित्र एकता महाधिवेशन गर्ने निर्णय गरेको माओवादी केन्द्रको ६ सय ९९ सदस्यीय केन्द्रीय समिति एक हजार सदस्यीय भएमा सम्भवत: संसारकै सर्वाधिक ठूलो केन्द्रीय समिति हुनेछ । पार्टी एकताको उत्साहबीच संगठन भद्दा बनाएको भन्दै माओवादी केन्द्रको आलोचना भइरहेको छ ।

नेताहरुले भने केन्द्रीय समितिले महाधिवेशन आयोजक समितिको काम गर्ने भन्दै महाधिवेशनबाट चुस्त केन्द्रीय समिति आउने आश्वासन दिइरहेका छन् । माओवादी केन्द्रको जेठ १० मा सकिएको पहिलो बैठकले सचिवालयमा ४९ वा ५१ सदस्य हुने, पोलिब्युरो १ सय ५१ सदस्य हुने निर्णय गरेको थियो । केन्द्रीय समिति बढेपछि त्यो संख्या स्वत: एक तिहाईको अनुपातमा बढ्नेछ ।

ठूला तीन दलमध्ये कांग्रेसको केन्द्रीय कार्यसमिति ८५ सदस्यीय छ । एमालेको ९९ सदस्यीय केन्द्रीय कमिटी छ । @ इकान्तिपुर |






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution