राजेश रुम्बा लामा , पुर्बी चितवन – २५६० औं बुद्ध जयन्तिको अवसर पारेर नेपाल तामाङ्ग महिला घेदुङ्ग जिल्ला कार्य समिति चितवनको आयोजनामा गत जेष्ठ ७ र ८ गते गरि दुइ दिने धार्मिक स्थल अवलोकन भ्रमण संम्पन्न भएको छ | उक्त क्रममा भ्रमण टोलीले विभिन्न बौद्ध धार्मिक स्थल स्वयम्भू,बौद्ध र काभ्रे जिल्लाको चर्चित धार्मिक स्थल नमो बुद्ध गरि तिन वटा बौद्ध धामको भ्रमण गरेका हुन् |

सोहि क्रममा भ्रमण टोलीले दोस्रो दिन काभ्रेको नमो बुद्धको प्राङ्गानमा एउटा ओपचारिक कार्यक्रम समेत गरेका थिए भने कार्यक्रमको अध्यक्षता नेपाल महिला घेदुंग चितवन जिल्ला अध्यक्ष आश माया तामाङ्गले गर्नु भएको थियो भने कार्यक्रमका प्रमुख अतिथिमा नेपाल तामाङ्ग घेदुंग केन्द्रीय सदस्य घ्याम्जो थोकोर,अतिथिमा जिल्ला अध्यक्ष गोपी राज गालन रहनु भएको थियो | सोहि क्रममा कार्यक्रमका प्रमुख अतिथि थोकोरले नमो बुद्ध क्षेत्रको इतिहाँस र त्यहाँका बिषय बस्तु बारे भ्रमण टोलीलाई जानकारी गराउनु भएको थियो |

भ्रमण टोलीमा नेपाल तामाङ्ग महिला घेदुङ्ग चितवन जिल्ला कार्य समितिका अध्यक्ष आशा माया बोम्जन,उपाध्यक्ष दिल माया थिङ्ग,सचिब निलिमा गोंग्बा,कोषाध्यक्ष आइती माया दोङ्ग सह सचिब दुल माया बोम्जन लागएतले चितवन जिल्लाका विभिन्न स्थान बाट ५१ जना बृद्ध बृद्धा तामाङ्ग बा आमालाई समेत भ्रमणमा सामेल गराएका थिए |