प्रहरी हवलदारकी श्रीमति लिएर नेपाल विद्यार्थी संघका नेता फरार
उदयपुर – दुई सन्तानकी आमा शसस्त्र प्रहरी हवलदारकी श्रीमति लिएर नेपाल विद्यार्थी संघका एक नेता फरार भएका छन् । शसस्त्र प्रहरी बल त्रियुगा गुल्ममा कार्यरत टंक गिरीकी श्रीमतीलाई लिएर नेपाल विद्यार्थी संघका नि–वर्तमान सचिव विनोद कोईराला फरार भएका हुन् ।
गहिरो माया बसेपछि मानिसले जे पनि गर्न तयार हुन्छ भन्ने कुरालाई प्रष्ट पार्दै कोईरालाले उनकै घरमा डेरा बसेकी शसस्त्र प्रहरी हवल्दारकी श्रीमतीलाई भगाएका हुन् ।
२०७० सालमा सम्पन्न नेपाल विद्यार्थी संघको सचिवमा निर्वाचित कोईरालाले त्रियुगा नगरपालिका वडा नं १ बोक्सेमा आफ्नै घरमा डेरा गरि बसेकी हवल्दार गिरिकी श्रीमतीसँग लामो समय देखिको माया पिरतीलाई भागी विवाहमा परिणत गरे ।
सधै डिउटीमा जाने उनि श्रीमतिको चाल ठिक नभएपछि १५ दिन अघि झुक्याएर कोठामा पुग्दा कोठामा श्रीमति नभेटेपछि खोज्दै जाँदा घरवेटीको छोरा रंगेहात फेला पारेसँगै शसस्त्र हवल्दार छागाँबाट खसे जस्तै भएका थिए ।
एक छोरा र एक छोरीकी आमा परपुरुष सँग अनैतिक सम्बन्धमा रहेपनि साना नानीको मायाले श्रीमतिलाई केही नभनी घटना गुपचुप राखेपनि अहिले विद्यार्थी नेता र हवल्दारको श्रीमतिले गाईघाट छाडेपछि घटना सार्वजनिक भएको हो ।
खोटाङ्ग घर भएका प्रहरी हवल्दारको अहिले सम्मको कमाई र जायजेथा समेत श्रीमतिकै नाममा रहेकोले श्रीमतिको भन्दा पनि सम्पत्तीको चिन्ताले प्रहरी हवल्दारलाई सताएको छ । अहिले दुई सन्तान सहित उनी प्रहरी व्यारेकमै बस्न थालेका छन ।