दाजुभाइ भए दिदीबहिनीमा रुपान्तर
उनीहरुले सधैँ स्कर्ट लगाउन मन गरे र गुडिया खेलाउने बानी बसाए । तर उनीहरुले कसैलाई आफ्नो लैङगिक समस्याका विषयमा कति समस्या छ भनेर देखाएनन् । ओ हेरलीहाई दाजूभाईले अहिले मुख खोलेका छन् र अब महिला जसरी बस्ने आफ्नो पुरानो इच्छा सार्वजनिक गरेका छन् । दाई जेमी २३ वर्षका भए र भाई चोली २० वर्षका छन् । उनीहरु महिला बनेर जिउन चाहन्छन् र यसका लागि एकअर्कालाई सहयोग गर्छन् ।
भाई चोलीले दाजू जेमीलाई आफू पनि महिला बनेर बस्न रुचाउने बताएपनि उनीहरुले एक भएको महसूस गरे । आयरल्याण्डको डुब्लिनस्थित एक बारमा काम गर्दै आएका जेमि भन्छन्– ‘मलाई उसको रुची सुनेपछि हिम्मत र साहस आयो । हामी बच्चैदेखी एकसाथ थियौँ, तर हामी दुबैको रुची महिला बन्नु छ भन्ने एकअर्कालाई थाहा थिएन ।’
उनी एकअर्काबाट प्रभावित भएका मान्दैनन्– ‘मलाई लाग्दैन कि मेरो व्यवहारले उसलाई प्रभावित गर्यो । बरु हामी जन्मदैँ यस्तो व्यवहार लिएर जन्मिएका थियौँ । चोली मेरो सबैभन्दा ठूलो समर्थक र सहयोगी हो । हामी एकअर्कालाई आफ्नो रुचीमा सहयोग गर्छौं ।’
चोली हेयर डे«सिङका विद्यार्थी हुन् । उनी भन्छन्– ‘हामी दुबै ट्रान्सजेन्डर थियौँ । तर एकअर्कासँग हामीले यस विषयमा कहिल्यै मुख खोलेनौँ ।’
प्राय युवकहरुले बाल्यकालमा टिसर्ट र पेन्ट लगाएको सम्झन्छन् । तर ठीक विपरित बाल्यकालबाटै लामो कपाल पाल्ने र स्कर्ट लगाउने स्वभाव यि दाजूभाईको थियो ।
जेमीले १४ वर्षको उमेरपछि आफू समलिङगी गरेको पत्तो पाए । त्यस्तै चोलीले १३ वर्षको उमेरमा यस्तो महसूस गरे । जेमीले त्यसपछि समलिङगीहरुको बारमा काम गर्न थाले ।
अहिले उनीहरुले शरिरमा महिलाको हार्मोन विकास गरेर महिला नै बन्ने योजना बनाएका छन् । उनीहरुको सोचाईमा ४७ वर्षकी आमा सराह पनि सकारात्मक छिन् । जेमी भन्छन्– ‘हाम्रो निर्णयपछि पनि आमाले छोरा गुमाएको महसूस गर्ने छैनन् किनकी हामी उही व्यक्ति हौँ । केवल, हाम्रो खुसी थपिएको हुनेछ ।’
-एजेन्सी