नेपाललाई मलेसिया र सिंगापुर बनाउन सकिन्छ : डा. भट्टराई
क्वालाम्पुर – नयाँ शक्तिका संयोजक डा. बाबुराम भट्टराइले नयाँ शक्ति मलेसियाका कार्यकर्ताहरुसंग स्काइपमा प्रतक्ष्य कुराकानि गरे । नयाँ शक्ति के हो ? आबश्यकता किन र भोलीको कार्यदिशाको बारेमा जानाकारि दिदै भट्टराईले करिब पौने घण्टा विताए ।
भट्टराईले विदेशमा सिकेको सिपलाई नेपालमा फर्किएर ब्यवहारमा उतार्न र नयाँ शक्तिमा आबद्ध हुन जुनसुकै राष्ट्रमा भए पनि आउन आग्रह गरे ।
विदेशमा आफ्नो श्रम बेचेर धेरै देश हामीले बनायौ, अब आफ्नै देश बनाउन आउनुहोस देशलाई अगाडि बढाऔं, उनले भने । पुरानै बाटोबाट हिँडेर अगाडि बढ्न सकिन्न भन्दै भट्टराईले नयाँ विचार लिएर हिँडेमा नेपाललाई पनि मलेसिया र सिंगापुर जस्तै बनाउन धेरै समय नलाग्ने बताए । हामीले कसैसंग दुश्मनि मोलेर होईन भारत र चिन दुबैलाई मीलाएर लैजानु पर्छ ।
केहि महिना अगाडि मलेसियाका पुर्व प्रधानमन्त्रीसँगको भेटमा मलेसियाको विकाससम्वन्धी मोडलको वारेमा कुराकानी भएको वताउदै उनले आफु पनि आउदो जुलाई वा अगष्ट सम्ममा मलेसियाको विकासको मोडल, अनुभव लिनका लागि र नयाँ शक्तिले आउन गरिएको अनुरोधलाई स्वीकार्दै मलेसिया आउने जानकारी दिए । आउदो जेठ २० गते राष्ट्रिय भेलामा लाखौ कार्यकता उतारेर सामुहिक सपथग्रहण गराउने योजना पनि उनले सुनाए । मलेसियाबाट पनि धेरै भन्दा धेरै आउनुहोस स्वागत गर्न तयार छौ उनले आग्रह गरे ।
स्काइपमा नेपालबाट विदेश बिभाग प्रमुख नवराज सुबेदि तथा सदस्य शंकर भण्डारिले पनि नयाँ शक्तिको बारेमा प्रष्ट पारेका थिए ।
मलेसियामा रहेका कार्यकर्ताहरुले कतै नयाँ शक्ति पनि काम र व्यवहार भन्दा बाहिर गएर हिजो कै अबश्थामा आउने त होईन ? हामीले तपाईको विश्वासमा लागेर आज नयाँ शक्तिमा जोडिएका छौ भन्ने प्रश्नमा डा. भट्टराईले हिजोका गल्ति कति पनि नहुने र विचार, सोच, शैली सबै परिबर्तन गर्नको लागि नै नयाँ शक्ति निर्माण गरिएको जबाफ दिए ।
सोही कार्यक्रममा जनप्रगतिशिल मञ्च मलेसियाका कोषाध्यक्ष भिम लामिछाने र सदस्य अमिरकुमार पराजुलीले मञ्च परित्याग गरी नयाँ शक्तिमा प्रबेश गरेका थिए भने निर्मल चौधरी, सञ्च विर तामाङ, आलम अप्तान पनि नयाँ शक्तिमा प्रबेश गरेका र उनिहरुले नयाँ शक्तिको अभियानलाई साथ दिने बताए ।
कार्यक्रममा मलेसिया संयोजक भानुभक्त देवकोटा, नर बहादुर सुनार, धिरेन्द्र कोईराला, भीम लामीछाने, राज न्यौपाने लगायतले डा. बाबुराम भट्टराईलाई प्रश्न राखेका थिए ।
मलेसियामा संगठनलाई बलीयो बनाउदै र सदस्यता बढाउँदै राष्ट्रिय भेलामा मलेसियाबाट धेरै प्रतिनिधि पठाईने मलेसिया संयोजक भानुभक्त देबकोटाले जानाकारि दिए ।