बिनु थिङ तामाङ , तेलअविव , २१ मे २०१६ | इजरायलमा विश्व शान्तिको अग्रदुत एवं अहिंशाको प्रतिक भगवान बुद्धको २५६० औ बुद्ध जयन्ति भव्यताको साथ सम्पन्न भएको छ |

नेपाल आदिवासी जनजाती महासंघ इजरायलको अध्यक्ष डोमा शेर्पाको सभापतित्वमा भएको कार्यक्रममा प्रमुख अतिथि नेपालीराजदुतावास इजरायलका महामहिम राजदुत प्रल्हाद कुमार प्रसाई साथमा वहांको धर्मपत्नी सिता प्रसाई ,बिशेष अतिथिहरुमा उपनियोग प्रमुख रामेश्वर पौडेल वहांको धर्मपत्नी उषा पौडेल , बौद्ध धर्मगुरु लामा थुप्तेन तामाङ ,अतिथिहरुमा इजरायल स्थित सामाजिक ,धार्मिक ,राजनीतिक संघसंस्थाका अध्यक्ष तथा प्रतिनिधिहरू र अनलाइन मिडियाका संचारकर्मीहरु रहेका थिए |

बौद्ध धार्मिक लामागुरु थुप्तेन तामाङबाट बौद्ध धार्मिक विधिअनुसार पाढपूजा गरी शुरु गरिएको कार्यक्रममा नेपाल आदिवासी जनजाती महासंघ इजरायलका कार्यकारी सदस्य रेखा श्रेष्ठले स्वागत मन्तव्य राखेको थिइन् भने बुद्ध जयन्तीको शुभकामना मन्तव्य राख्नु हुँदै प्रमुख अतिथि प्रल्हाद कुमार प्रसाईले भगवान बुद्धको अष्टशिल ,पंचशिल लगायत दिव्य उपदेश र शिक्षालाई सबैले पालन गर्नुपर्ने बताउनु भयो | साथै आगामी बर्षहरुमा पनि बुद्ध जयन्ति यसै सबैजना मिलेर मनाउने कार्यले निरन्तर पावोस् भन्ने कामना गर्नुभयो | इजरायल स्थित विभिन्न संस्थाको तर्फबाट पनि कार्यक्रममा बुद्ध जयन्तीको शुभकामना मन्तव्य राख्नु भएको थियो | कार्यक्रममा सहभागी नेपालीहरु द्वारा कार्यक्रम स्थल परिसरमा लामबद्ध भई शान्ति र्याली समेत गरेका थिए |

कार्यक्रम आफ्नो ४ बर्षे अवधि पुरा गरी छिटै नेपाल प्रस्थान गर्न लाग्नु भएका नेपाली राजदुतावास इजरायलका महामहिम प्रल्हाद कुमार प्रसाईलाई नेपाल आदिवासी जनजाती महासंघ इजरायल र महासंघ आवाद्ध ८ जातीय संस्थाहरु द्वारा सयुक्त रुपमा सम्मान-पत्र प्रदान गरी सम्मान गर्नुको साथै मायाको चिनो उपहार दिएका थिए |

कार्यक्रमकोअन्तमा भगवान बुद्धको प्रशाद वितरण गरेको थियो | कार्यक्रम नेपाल आदिवासी जनजाती महासंघ इजरायलका महासचिव निर्मला गुरुङ र सचिव नयन इमासोङ लिम्बुले कुशलतापुर्वक उत्कृष्ठ उत्घोशन गरी संचालन गरेका थिए |