सिड्नी तामाङ समाज (एनएसडब्लु) को अध्यक्षमा अरुण तामाङ निर्वाचित भएका छन् । सन २००९ प्रवासमा तामाङ कला संस्कृतिको संरक्षणका लागि स्थापना भएको नयाँ कार्यसमिति चयन भएको हो ।

सहअध्यक्षमा सुन दोर्जे तामाङ, उपाध्यक्षमा दिल तामाङर सरस्वती लामा रहेका छन् । महासचिव किशोर तामाङ, सचिव प्रविन पाख्रिन, कोषाध्यक्ष योन्ज तामाङ, उप कोषाध्यक्षमा मोविन तामाङ रहेका छन् । कार्यसमितिमा १० जना सदस्यहरु रहने छन् ।

साथै संस्थाको सल्लाहकारको रुपमा निमा तामाङलाई नियुत्ति गरेको छ ।

नव निर्वाचित अध्यक्ष अरुण तामाङले प्रभावकारी योजना सहित नेपाली समाज र समूदायको लागि काम गर्ने बताएका छन् । नेपाली र तामाङ संस्कृति संरक्षण्का लागि आफ्नो भूमिका सक्रिय रहने दावी गरे ।

अष्टे«लियामा रहेका आम नेपाली र तामाङ समूदायलाई एकता गर्ने पहिलो अभियान रहेको बताए । यस्तै महासचिव किशोर तामाङले नेपालीको साँस्कृतिक कार्यक्रम, खेलकुद, आर्थिक सहयोग जस्ता कार्यक्रमम विगतमा पनि गर्दै आएकाले अहिले पनि थप प्रभावकारी ढंगले गर्ने बताए । @अन्नपूर्णपोस्ट |