इजरायलमा २५६० औ बुद्ध जयन्ति भव्यताको साथ मनाइने, २० वटा संघसंस्थाको सहकार्य
१६ मे २०१६ | बैदेशिक रोजगारको क्रममा इजरायल भूमिमा बसोवास गर्ने नेपाली समुदायले यहि आउँदो २१ मे २०१६ (शनिबार)को दिन बिहान ८ बजे देखि तेलअविव स्थित लेभेन्सकी पार्क २५६०औ बुद्ध जयन्ति भव्यताको साथ मनाउने भएको छ | नेपाल आदिवासी जनजाती महासंघ,इजरायलको आयोजनमा हुना गईरहेको कार्यक्रमलाई इजरायलमा रहेको अन्य १९ वटा संघसंस्थाले हातेमालो गर्दै सह-आयोजकमा रहेर बुद्ध जयन्ति कार्यक्रमलाई भव्यताको साथ सफल बनाउने भएको छ |
सहआयोजकमा तमु समाज इजरायल , ह्योल्मो समाज इजरायल,शेर्पा संघ इजरायल ,किंरात राई यायोक्खा नेपाल इजरायल ,किंरात याक्थुङ चुम्लुङ इजरायल(नेपाल),नेवा:खल इजरायल,नेपाल तामाङ घेदुङ इजरायल ,नेपाल मगर संघ इजरायल , पर्वत सेवा समाज नेपाल ,विश्व नेपाली साहित्य महासंघ इजरायल,हिन्दु जागरण अभियान नेपाल इजरायल ,नेपाली संङघीय समाज इजरायल रनमस्ते नेपाल हातेमालो सामाजिक संस्था शाखा इजरायल,अन्तरास्ट्रिय नेपाली समाज इजरायल,(नयाँ शक्ति,नेपाल ) नारीका लागि नारी १ करोड १ रुपैया अक्षयकोष,इजरायल , झापाली समाज इज़रायल ,अन्तराष्ट्रीय नेपाली साहित्य समाज इज़रायल च्याप्टर,लुम्बिनी कपिलवस्तु दिबस अभियान इजरायल र अन्तराष्ट्रीय कलाकार मन्च इजरायल रहेका छन् |
बुद्ध जयन्ति कार्यक्रममा सहभागी भई कार्यक्रमलाई भव्यताको साथ सफल पार्न र प्रशाद ग्रहण गर्नको लागि इजरायलवासी सम्पूर्ण नेपालीहरुलाई आयोजकले हार्दिक निमन्त्रणा गरेको छ |
