हेडलाईन

भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने         नेपाल आदिवासी जनजाति महासंघ इजरायलको अध्यक्षमा नानीमाया योन्जन तामाङ चयन         मातृभाषाको विकल्पमा ऐच्छिक विषय गणित, कम्प्युटर राखिएकोमा हटाउन माग         राष्ट्रिय नेवा: खल: इजरायलको अध्यक्षमा राजकुमारी श्रेष्ठ चयन         प्रवासी नेपाली मंच इजरायलको दोश्रो अधिबेशन हुदै         इजरायलमा सिसेक्पा तङनाम ५०८२ सांगीतिक धमका कार्यक्रम हुदै         किराँत राई यायोख्खा इजरायलको अध्यक्षमा दिप कुमार थुलुङ् राई चयन         नेपाली समाज इजरायलको ऐतिहासिक तेस्रो स्थापना दिवस मनाउदै        

दक्षिण भारतमा चर्चित नेपाली कलाकार ‘उन्नीकुट्टा’ (सिद्धार्थ लामा तामाङ)

siddarth-lama

केही महिनाअगाडि केरलाको त्रिवेन्द्रममा पुग्दा त्यहाँको जिन्जर होटलमा धेरैले सोधेको प्रश्न हो, यो । ‘हो, चिन्छु । साथीजस्तै हो ।’ फेरि प्रश्न, ‘हो र ?’, ‘साँच्चै ?’, ‘होइन कि ?’ मलायालम सिनेमा ‘योद्धा’ रिलिज भएको सन् १९९२ मा हो । यसबीचमा २४ वर्ष बितिसकेको छ, योद्धा आएको पनि । तर यसको चमक र लोकप्रियता अझै सकिएको छैन । सायद सकिन्न पनि । मोलिउडको कोसेढुंगा सिनेमा हो, यो । यसैले मोहनलाललाई ‘मोहनलाल’ बनाएको हो ।

यसैमा रिम्पोछेको बाल कलाकारको महत्त्वपूर्ण भूमिका निभाएका थिए, सिद्धार्थ लामा तामाङले  । उनले निभाएको पात्रकै नाम हो, उन्नीकुट्टा । मलायालम भाषीबीच यो पात्र कति लोकप्रिय छ भने त्यो सिनेमायता धेरै नयाँ जन्मेका बच्चाले यो नाममा पाए । अनि कसैलाई मायाले बोलाउनुपर्‍यो भने पनि उन्नीकुट्टा भनिन्छ । अनि कसैले पूरै कपाल काट्यो भने पनि स्कुल क्याम्पसतिर उसको नाम हुने गर्छ, उन्नीकुट्टा । वास्तवमै यति लोकप्रिय छ, यो नाम र यससँग जोडिएको पात्र ।

सिद्धार्थ उन्नीकुट्टाको भूमिका निभाउँदा आठ वर्षका मात्र थिए । अहिले ३१ वर्षका भइसके । उनी कलाकार युवराज लामाका छोरा हुन् । लामाले राष्ट्रिय खेलकुद परिषद्का सदस्य सचिव सम्हाल्दा सिद्धार्थ पनि त्यतातिर ब्यस्त रहे । यसै क्रममा उनीसँग परिचय भएको हो । उनी केरला र मद्रासतिर यति लोकप्रिय छन् भनेर त्यति बेला थाहा थिएन । न त सिद्धार्थ आपैंmलाई थाहा थियो । वास्तवमै पूरा घटनाक्रम रोमाञ्चक छ । अविश्वसनीय पनि ।

s

त्यसअगाडि, सिद्धार्थको चर्चा अहिले किन त ? पछिल्लो शुक्रबार सिद्धार्थको अर्को मलायालम सिनेमा ‘इडाभापाडी’ रिलिज भएको छ । अहिले त्यतातिर यसैको खुबै चर्चा छ । दर्शकले पनि यसलाई मन पराइरहेका छन् । सिद्धार्थको मेसेन्जर एक छिन खोल्नुपर्छ, उतातिरबाट आएका ‘मेसेज’ को ओइरो लाग्छ । उनको इनबक्स पनि भरिभराउ छ । ‘इडाभापाडीको प्रमोसनमा उता जान सकिनँ, तर यता बसेर सिनेमाको प्रगतिबारे जानकारी लिइरहेको छु,’ काठमाडौंको दरबारमार्गमा भेटिएका सिद्धार्थले भने ।

‘सबैले सिनेमा राम्रो भनेका छन्,’ उनले थपे । यो सिनेमा पनि तिब्बती भिक्षुको कथा वरिपरि घुम्छ । भनिरहनु पर्दैन, सिद्धार्थ फेरि भिक्षु भएका छन् । सिनेमाकी नायिका हुन्, उथरा उन्नी । उथरा तिनै भिक्षुको प्रेममा पर्छिन् । सिनेमा मनीषा कोइराला पनि छिन्, उथराकी आमाको भूमिकामा । केरलातिर पनि धेरै तिब्बतीहरू रहेछन् र यी दुई समुदायबीच राम्रै दोस्ती पनि चल्ने रहेछ ।

s1

यस्तोमा यिनै दुई समुदायका प्रतिनिधि पात्रबीच माया–प्रीतिको कथामा सिनेमा किन बन्न सक्दैन त ? निर्देशक लेलिन राजेन्द्रनले एक दिन सोचे । यसबारे लामो अनुसन्धान गरे । मलायालम भाषामा एउटा प्रसिद्ध लोककथाजस्तै पनि छ, एक नर्तकी भिक्षुसँग प्रेममा पर्ने । नृत्य भनेपछि भुतुक्कै हुने सुन्दर युवतीको भिक्षुप्रति आसक्ति । यसैलाई प्रसिद्ध कवि कुमारा आसनले साहित्यको रूप पनि दिएका थिए । राजेन्द्रनले यसै वरिपरि कथा बुने, इडाभापाडीका लागि ।

कथा त बुने, तर भिक्षु बन्ने कलाकारचाहिं को नि ? लामो खोजबिन गरे । र, अन्त्यतिर निर्णयमा पुगे, यो पात्रलाई कसैले जीवन्त बनाउन सक्छ भने सिद्धार्थ मात्र हुन सक्छन् । अरू होइन । राजेन्द्रनकै भाषामा सिद्धार्थलाई लिनु एक प्रकारले जोखिम उठाउनु थियो । तर सायद उनी उन्नीकुट्टाको लोकप्रियताको फाइदा लिन चाहन्थे । त्यसैले दुई वर्षअगाडि उनी काठमाडौं निस्केका थिए, सिद्धार्थलाई भेट्न ।

राजेन्द्रले सिद्धार्थलाई आफ्नो सबै योजना सुनाए । सिद्धार्थको पहिलो उत्तर थियो, ‘दुई तीन दिन कुरौं न, अनि म निर्णय दिनेछु ।’ मोलिउडका यी प्रसिद्ध निर्देशक सिद्धार्थको उत्तर सुन्न थप तीन दिन काठमाडौं बसे । सायद आफूलाई विश्वास नगरेको जस्तो लागेर सिद्धार्थलाई उन्नीकुट्टाका निर्देशकसँग कुरा गर्न लगाए । उन्नीकुट्टाका निर्देशक थिए, संगीत सिवान । आखिरमा सिद्धार्थ पग्लिहाले । र, यात्रा सुरु भयो, इडाभापाडी । अहिले इडाभापाडीकै सफलता अरू जति खुसी छन्, स्वाभाविक रूपमा सिद्धार्थ पनि उत्तिकै खुसी छन् ।

सबै प्रसङ्ग यहीं समाप्त हुन्नन् । सिद्धार्थले सानोमै ‘योद्धा’ खेलेका थिए, त्यसैले त्यसपछि के भयो सबै बिर्से । उतातिर सबैको मनमा उन्नीकुट्टाको छवि त जीवन्त थियो, तर त्यसलाई खेल्ने सिद्धार्थ भने हराए । यस्तोमै दुई दशक बित्यो । दक्षिणी भारततिर कुनै एक कलाकार र सिनेमाको प्रशंसक वास्तवमै चर्कै हुने रहेछन् । ‘योद्धा’का एक यस्तै प्रशंसक थिए, केरलाका सन्तोषकुमार काना । अंग्रेजी भाषाका यी शिक्षक योद्धाबारे लगातार अनुसन्धान गरिरहेका थिए । उनलाई थाहा थियो, योद्धामा उन्नीकुट्टा बन्ने बालक नेपाली हुन् र अहिले काठमाडौंमा छन् । त्यसैले इन्डियन स्कुलका यी शिक्षकले आफ्नो सरुवा पनि काठमाडौंमै गराए । उनको योजना थियो, उन्नीकुट्टालाई भेट्ने । त्यति बेला काठमाडौंमै रहेका केरलाका एक पत्रकारको माध्यमबाट उनी सिद्धार्थसम्म पुगे र त्यसपछि सुरु भयो, सिद्धार्थको इडाभापाडी यात्रा पनि ।

कानाले सिद्धार्थलाई भेटेको प्रसङ्ग केरला र मद्रासतिर ठूलै समाचार बन्यो । इडाभापाडीको सुटिङका धेरै अंश हिमाञ्चल प्रदेशको मनालीमा भएको थियो । बाँकी दक्षिण भारततिरै । सिद्धार्थ यसपल्ट उता जाँदा त उनलाई कसैले चिन्नै सकेनन् । आखिरमा सबैको मनमा सानो फुच्चे उन्नीकुट्टा मात्र थियो । वयस्क सिद्धार्थलाई सुरुमा चिन्न सम्भव नै भएन । जति बेला सुटिङका लागि सिद्धार्थले कपाल काटेर भिक्षुको रूप लिए, प्रशंसकले उनलाई चिन्न गाह्रो भएन ।
सिद्धार्थ जताजता जान्थे, उतै हूल झुम्मिन सुरु भयो । हुँदा हुँदा उनी क्याप र मास्क लगाएर हिँड्नुपर्ने स्थिति आयो । एक दिन यस्तै रूपमा उनी कुनै सपिङ मलमा पुगेका थिए, केरलाको प्रसिद्ध केराको सारी किन्न । गर्मी भएर के क्याप र मास्क अञ्जानमै खोलेका थिए, पूरा सपिङ मल उनको पछाडि लागेको थियो । वास्तवमै गजब अनुभव थियो, त्यो । अहिले सिद्धार्थसँग यस्ता धेरै कथा छन् जुन सुनाउँदा उनी आपैंm रोमाञ्चक हुन्छन् ।

सुटिङकै क्रममा सिद्धार्थले मोहनलाल र निर्देशक सिवानलाई पनि भेटे । त्यहाँको प्रसिद्ध पत्रिका मनोरमाले यो संयोग जुराएको थियो र त्यसको भोलिपल्ट उसले ठूलै समाचार पनि बनायो, दुई दशकपछि योद्धाका प्रमुख पात्रको ‘पुनर्मिलन’ भनेर । इडाभापाडीबारे आयोजित पत्रकार सम्मेलन पनि गजब रह्यो । ‘हिन्दु’, ‘इन्डियन एक्सप्रेस’ र ‘टाइम्स अफ इन्डिया’को स्थानीय संस्करणले सिद्धार्थको तस्बिर आफ्नो पहिलो पानामै राखे ।

गत वर्षको भूकम्पका बेला पनि दक्षिण भारतका केही न्युज च्यानल काठमाडौं आएका थिए । त्यति बेला ती च्यानलले बनाएको समाचार यस्तो थियो, ‘आवर उन्नीकुट्टा इज सेफ ।’ काठमाडौंमै पनि केरलाबासीको सानो समूह रहेछ र त्यसले प्रत्येक वर्ष केरला दिवस मनाउने रहेछ । त्यस बेला पनि मुख्य अतिथि हुने गर्छन्, यिनै सिद्धार्थ । र, अहिले इडाभापाडीका कारण सिद्धार्थ चर्चामा छन्, ‘उन्नीकुट्टा इज ब्याक’ का रूपमा ।

‘केही दिनमा म फेरि केरला जाँदै छु । हेरौं, फेरि केही नयाँ नौलो हुने हो कि ?’ सिद्धार्थले आफ्नो अबको कार्यक्रम सुनाए ।@ इकान्तिपुर |






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution