आदरणीय नेता ज्युहरु

समग्रहमा सारा नेपालीलाई हेर्ने हो र सबै भाषिक सबै जातिलाई नेपाली भन्ने हो भने र यदि नेपालको शम्मिधानले नेपाली भन्ने अधिकार दिन्छ भने आज यो बिसम परिस्थितिमा अर्थात सबै नेपालीले एक सरो कपडा पनि एक बर्षमा फेर्न नसक्ने बेला ६/ ६ महिनामा सरकार परिबर्तन गरि कहिले सम्म यो भोका नाङ्गा नेपालीले मौसमी प्रधानमन्त्री पाली रहने हो ? कहिले सम्म यो महान शिर्ष  नेताहरुको चाकडी गरिरहने ??

सम्पुण नेता गणहरु कहिले सम्म यो राजनीति फोहोरी खेल खेली नेपाली अर्थतन्त्रमा पौडी खेल्नु हुने छ ! एक साधारण नेपालीको घरमा गएर एक रात बस्नु होस् र हेर्नुहोस् सुन्नुहोस् उनीहरुको पिडा के छ ! सिहदरबारको चार दिवारी मात्र नेपाल हैन ! त्यहाँ मात्र नेपाली छैनन् !

महाभुकम्प गएको १ वर्ष पुगिसक्यो । आज सम्म पिडितहरुको उचित व्यवास्थापन हुन सकेको छैन । एकसरो कपडा र एक छाक पेट भरि खान उनीहरुलाई रहर भएको छ भने यो परिस्थितीमा कति जना प्रधानमन्त्री पाल्न सक्छन् नेपालीले ? ५ महिना लामो अघोषित नाकाबन्दि सकिएर बोडर खुला भएको आज करिब ४ महिना बिति सक्दा पनि जनताको अपरिहार्य बस्तु ग्यास, पेट्रोल , मट्तितेलको  सहजीकरण हुन सकेको छैन ! यस तर्फ तपाईहरुको ध्यान कहिले पुग्ने ??

प्रत्येक  दिन त्रिभुवन् अन्तरराष्ट्रिय विमान स्थलमा जानुस् र हेर्नुहोस । कति रातो बाकसमा प्याक भएर आएका छन् नेपाली युबा । कति बिदेशिन तछाड मछाड गरि लाम बद्द भएर बसेका छन् ! कहिले रोक्ने ति युबा जनशक्तिलाई  । कहिले भन्ने हो हाम्रा कर्मठ युवाशक्ति हामीलाई र हाम्रो नेपाल आमालाई खाँचो  छ भनेर !
कति दिन नेपाली गरिब जनताले नाङ्गो आंग र भोको पेट लिएर हेरिरहने यो तपाईहरुको सरकार बनाउने र गिराउने चलचित्र ? आखिर कहिले सम्म ?? के आज सरकार बदलेर यो सोझा  जनताको भोको पेटले खाना र नाङ्गो आङले एकसरो कपडा पाउला ??

केहि समय अगाडी सम्म कुनै पनि हालतमा हामी हाम्रो स्वाभिमान नेपालीको स्वाभिमानमा आंच आउन दिने छैन भनेर टुडीखेलमा खुब चर्का र गुलिया भाषण  गरेर तालि पाउनु भयो तर आज किन छिमेकीको ग्राण्ड डिजाइनमा सरकार परिवर्तनको कुरा आयो !

सक्नुहुन्छ भने त्यो काम गर्नु । अहिले भैरहेको चरम कालो बजारीलाई रोक्नुहोस् । नेपाली जनता साथमा छ । चरम भ्रस्टाचार लाई नियन्त्रण गर्नुहोस् । हामी युवा जनशक्ति  साथमा छौ । किन नेपालीको स्वाभिमान र सहिदको रगतको बलि चढाई रहनु भएको छ ! के सहिदको सम्मान  सहिद दिबसको दिनमा मात्र माल्यार्पण गरेर मात्र पुग्छ ?

नेता गणहरुलाई मेरो बिनम्र अनुरोध यो छ कि !! तपाईहरु आफ्नो र आफ्नो पार्टीको मात्र सोच्न छोड्नु होस् ! ब्याक्तिबादी सोच बन्द गर्नु होस्” सबै नेपाली र नेपालीको नेता भएर कार्य गर्नुहोस् अबस्य तपाईको कार्यको मुलायांकन नेपाली जनताले गर्ने छ। आशा छ तपाईहरुको सदबुद्धि  श्री पशुपति नाथले अबस्य दिने छन् र हाम्रो देशले पनि केहि मौसमी काँचुली फेरी नयाँ  आर्थिक क्रान्ति र गरिबको रोजीरोटिमा टेवा पुग्ने गरि परिवर्तनको माहोल  पाउने छ ! सबै नेताहरुलाई यो मरुभूमि बाट मेरो सलाम !!!

मरभुमी बाट !
-सतिश बाबु पाठक (कतार)