नेपाल मगर संघको बिधान सम्सोधन,अध्यक्षमा ५ जनाको दाबी
हुम बहादुर पचभैया थापा मगर
चितवन – नेपाल मगर संघको बिधान सम्सोधन, अध्यक्ष पदमा बाहेक सबै पदमा खुला गरिएको छ ।गुल्मीको तम्घासमा भएको १० अौ राष्ट्रीय महाधिवेसनको बिधानलाई तोडने गरि २०७०को २४ अौ राष्ट्रीय सम्मेलनले सिन्डिकेट लगाएको थियो । अब भने अध्यक्ष बाहेकको पदमा महाधिवेसन प्रतिनिधिहरूले सबै पदमा खुला प्रतिस्पर्धा गर्न सक्ने छन ।
बन्दसत्रको दोस्रो दिन सबै प्रतिनिधिहरूले बिधान सम्सोधनको माग गरेता पनि केन्द्रीय समिति मौन बसेको थियो । प्रतिनिधिहरूको कडा आलोचना र दबाब पछि संयुक्त मगर मञ्चकाे सहजीकरणमा केन्द्रिय समितिले १७ जना टोली नेताहरूको उपस्थितिमा बैठक राखि नेपाल मगर संघको बिधान सम्साेधन गर्न ९ सदस्यीय बिधान मसौदा समिति गठन गरेको छ । ११अौ महाधिवेशन प्रयाेजनकाे लागी बिधानको धारा ३० लाई मात्र खुला गरिएको छ । बाँकी काम पछि समितिले बनाउने छ ।
बिधान मसौदा समितिमा अधिबक्ता गौबहादुर आले मगर, रक्षा बहादुर रैका मगर, ईन्दिरा श्रीस मगर, राम बहादुर थापा मगर, सुरेन्द्र थापा मगर, सन्तोष राना मगर, राजकुमार राना मगर, संस्थापक महासचिव सुरेश आले मगर र भूपू महासचिव लोक बहादुर थापा मगर रहेका छन ।
मगर संघको ११ अौ राष्ट्रीय महाधिवेशन सम्पन्न गर्न अध्यक्ष मन्डल र निर्बाचन मन्डल गठन गरेको छ ।अध्यक्ष मन्डलमा मगर संघका भूत पूर्ब महासचिव लोक बहादुर थापा मगरको संयोजकमा संघका सल्लाहकार कुमार थापा मगर र मधुकर सिंग थापा मगर सदस्य रहेका छन ।
त्यस्तै अधिबक्ता गौबहादुर आले मगरकाे संयोजकमा निर्बाचन मन्डल गठन गरेको छ । सदस्यहरूमा अधिबक्ता ईन्दिरा श्रीस मगर, सरिता थापा मगर, राम बहादुर थापा मगर र चिज कुमार आले मगर सदस्य रहेका छन ।
अध्यक्षमा ५ जनाको दाबीः
बम कुमारी बुढा मगर, बसन्त घर्ती मगर, बाल सिं काउचा मगर, गंगा बहादुर थापा मगर र नबिन रोका मगरले अध्यक्षमा दाबि गरे पनि काउछा र रोका बिच कडा प्रतिस्पर्धा हुने देखिन्छ ।
बिदेश सचिबमा ८ जनाः
सचिब पद मध्यमा आकर्षित बिदेश सचिब भएकोले ८ जना आकांक्षीमा छन । निबर्तमान बिदेश सचिब रक्षा रैका मगर र भरखरै मात्र मगर संघमा आबद्धता पाएको नेपाल मगर भूपू सैनिक तथा प्रहरी संघका केन्द्रिय अध्यक्ष हुम बहादुर पचभैया थापा मगर पनि बिदेश सचिबको लागी चुनाबि मैदानमा ओर्लिएका छन ।
अध्यक्ष पदका प्रत्याशी सहित केन्द्रिय सदस्यका लागी करिब २५० जना मगरहरू चुनावी दौडमा देखा परेका छन । जस मध्यबाट ५५ जना निर्बाचित हुने छन ।
स्थगल रिपोर्ट @ राज्यसत्ता |
