लेस्टर सिटी इङ्गलिश प्रिमियर लिग विजेता
यस वर्षको इङ्गलिस प्रिमियर फुटबल लिगमा लेस्टर सीटीको जितलाई परिको कथासँग तुलना गरिएको छ।लेस्टर सिटी फुटबल टीम गत वर्ष प्रिमियर लिगबाट झन्डै ‘रेलेगेसन’ अर्थात घटुवामा परेको थियो।
लेस्टर सिटीले जीत हासिल गर्नको लागि बललाई हिर्काउनै परेन किनभने जित्नै पर्ने अवस्थामा रहेको टोटनहमले चेल्सीसँग २-२को बराबरी गरेको थियो।
‘अनौठो’
लेस्टर सिटीको जीतलाई टीम खेलकुदको इतिहासकै सबैभन्दा अनौठो विजयको रुपमा हेरिनेछ।इङल्याण्डको टोलीका पूर्व स्ट्राइकर रहेका लेस्टर सिटीका पूर्व खेलाडी ग्यारी लिनेकरले भने लेस्टर सिटीको जीत आफूलाई पत्याउनै कठिन भएको बताए।
आफ्नो टिम प्रिमियर लिग विजेता घोषित भएपछि लेस्टर सिटीका समर्थकहरुले खुशियाली मनाएका थिए।उनले भने, “खेल सकिएपछि म अन्त्यमा निकै भावुक बने। मैले केहीबेर त सासै रोक्न पर्यो।”“मैले सानो हुँदा देखि नै उनीहरुलाई हेरिरहेको छु, अहिले जे भयो त्यो वास्तवमा सम्भव नै छैन।”लिनेकरले लेस्टर सीटीको जितलाई आफ्नो खेल जीवनको एक पत्याउनै नसकिने घटना भएको बताए। बीबीसी नेपाली सेवा |