ब्लड क्यान्सर पीडित तामाङलाई आर्थिक सहयोग प्रदान
अर्जुन पाख्रिन
ब्लड क्यान्सरबाट पीडित कविता तामाङको उपचारका लागि हङकङमा सकंलन गरिएको ५ लाख ११ हजार रुपैया हस्तान्तरण गरिएको छ । सिभिल हस्पिटलमा उपचार भईरहेको तामाङलाई सोमबार हङकङका प्रतिनिधीहरुले सो रकम हस्तान्तरण गरिएको हो ।
स्थायी घर मोरङ र धनकुटा घर भएका हाल हङकङ भएका विनोद बल, विष्णु पाख्रिन र बाबुराम पाख्रिनको सहकार्यमा सो रकम संकलन भएको हङकङका प्रतिनिधि प्रमिला लामाले बताए । कविताको उपचारका लागि आवश्यक रकम सहयोग गर्ने समेत उनले बताए ।
खोटाङ जिल्ला, खार्मी गाविस वडा नम्बर ८ का तामाङलाई २०७२ जेठबाट ब्लड क्यानसर भएको सिभिल हस्पिटलले जनाएको थियो । आर्थिक अवस्था कम्जोर भएका कारण उनको उपचारका लागि सहयोगको लागि सामाजिक सञ्जाल मार्फत अनुरोध गरेका थिए ।
उनका श्रीमान अशोक डुम्जनले भने ‘ श्रीमतिको उपचारका लागि पैसा छैन कसरी उपचार गर्ने ।’ सामान्य परिवारको भएका कारण श्रीमतिको उपचारका लागि समस्या भएको उनले बताए ।
कविताको उपचारका लागि करिव २० लाख लाग्ने सिभिल हस्पिटले जनाएको छ । कविताको काखामा ६ महिनाको बच्चा समेत रहेका छन् । फोटो छ ः हङकङका प्रतिनिधि प्रमिला लामाद्वारा ब्लड कयान्सरका विरामी कविता तामाङलाई चेक हस्तान्तरण गर्दै ।
