जो कसैको साथमा पर्याप्त धन हुँदैमा कोहि धनी हुँदैन, संसारका हरेक मानिसहरु धनी छन, तर आफूसंग भएको धनलाई चिन्नुपर्छ । चिन्नलाई दुरदृस्टि आवश्यक  पर्छ, त्यो जो कोहि संग नहुन सक्छ ।

परापुर्बकालमा एक व्यक्ति आफ्नो गरिबीको कारण सोध्न महामानव गौतम बुद्धकहाँ पुग्यो । भगवान ”म किन गरिब” भन्ने उसको प्रश्नमा बुद्धले यस्तो जवाफ दिनुभयो कि उसको गरिबी एक मिनेट पनि टिकेन ।

भारतको बोधगयामा बुद्धत्व प्राप्त गरेपछि बुद्ध आफुले प्राप्त गरेको ज्ञान बाँड्ने अभियानमा हुनुहुन्थ्यो । यसै क्रममा एउटा गाउँमा पुगे पछि वहाँले सबैलाई भेला पारेर आफुले प्राप्त गरेको ज्ञान बाँड्न थाल्नुभयो । मानिसहरु गौतम बुद्ध समक्ष आ-आफ्नो दु:ख, पीडा र रोदन लिएर पुग्थे अनि उर्जा र जोशले भरिएर फर्किन्थे ।

म किन गरिब ?

त्यसै क्रममा एक दु:खी व्यक्तिले  भगवान बुद्ध संग  आफ्नो गरीवीको कारण सोध्न चाह्यो । उ हिम्मत गरेर बुद्धको शिविर  तर्फ अघि बढयो । मानिसहरू पालैपालोसंग एक-एक गरि बुद्धलाई भेटिरहेका थिए । उ पनि आफ्नो पालो पर्खिएर लाईनमा बस्यो ।

भगवान बुद्ध चुपचाप गाउँवासीको समस्या सुन्दै निकै नै शान्ता र शालिन भावमा उपदेश दिईरहनु भएको थियो । त्यत्तिकैमा उनको पालो आयो । उसले बुद्धलाई प्रणाम गर्यो अनि प्रश्न  अघि सार्यो:-“भगवान ! म किन गरिब ?” बुद्धले मुस्कुराएर जवाफ दिनुभयो :-“तिमीले कहिल्यै कसैलाई केही दिएनौ, त्यसैले गरिब छौ ।”

उसले आश्चर्य मान्दै प्रति प्रश्न गर्यो:-“म संग केही हुना पनि त पर्यो नि दिनलाई ! मसंग केही छैन । बडो मुस्किलले बिहान  बेलुका हातमुख जोडछु ।”
बुद्धले आफ्नै शालिनतामा जवाफ दिनुभयो :-“तिमी सँग एक अनुहार छ, कसैलाई पनि मुस्कान दिन सक्छौ । तिमी संग एउटा मुख पनि छ, कसैको प्रशंसा गर्न र मिठो बोल्न सक्छौं । तिमी संग दुई हात छ, आवश्यक पर्दा जो कोहि लाई पनि सघाउन सक्छौ । यो सबै तिमी संग  छ, तिमी कसरी गरिब भयौ ? गरिबी तिम्रो मनमा छ । मनबाट यो भ्रम निकाली देउ, तिम्रो गरिबी आफै हटेर जानेछ ।”

त्यसपछि उ पनि अरु जस्तै उर्जावान भएर फर्कियो । उसको गरिबी त बुद्धको कुरा सुन्दा नै भागी सकेको थियो । त्यसपछि उसले कहिले गरिवीको अनुभव समेत गरेन ।बाँकी  जिन्दगी सुखपुर्बक बित्यो ।

त्यसैले आजैबाट मनको गरिवीलाई हटाउनुहोस्, आज देखि नै  तपाईं  पनि आफुलाई धनी महशुस गर्न थाल्नु हुनेछ ।

-बुद्धिजम इन नेपाल @ फेसबुक