प्रहरी आएर हामीसँग यौन सम्पर्क गर्छ, त्यही प्रहरीले समाएर लान्छ – यौन व्यवसायी युवती
वैशाख १७, बिर्तामोडस्थित एक होटलमा यौन व्यवसाय गरिरहेका युवतीहरु भन्छन् त्यही प्रहरी आएर हामीसँग यौन सम्पर्क गर्छ, त्यही प्रहरीले समाएर लान्छ अनि कुरो मिलेपछि त्यही प्रहरीले छाडिदिन्छ ।
एक युवतीले आफ्नो पीडा सुनाइ सक्न नपाउँदै अर्कीले भनिन्, थाकेका हुन्छौं, गलेका हुन्छौं तर प्रहरीले चाहेको बेलामा उनीहरुको ओछ्यान तताएनौ भने पक्राउ गर्छन् । हामी धेरै प्रहरीबाटै शोषणमा परेका छौं ।
यौन व्यवसाय गरिरहेकी युवतीहरुले यसरी सामूहिक पीडा सुनाउँदा अनुहारमा निकै पीडा थियो । पेट पाल्न शरीर बेच्न बाध्य भएका उनीहरु प्रहरीबाट थप पीडित बन्नुपरेको व्यथा सुनाउँछन् ।
देह व्यापारमा संलग्न चार युवतीले एकै साथ भने इलाका प्रहरी कार्यालय बिर्तामोडका प्रहरीले आफूहरुप्रति यौन हिंसा र जवरजस्ति गर्ने गरेको व्यथा सुनाउँदै हामी हाम्रो इज्जत बेचेरै पैसा कमाउँदै छौं, हामीलाई प्रहरीले हरेक दिनजसो धम्काएर शारीरिक सम्पर्क गर्न त मिल्दैन नि ।
