बैसाख १७ गते । बालिका बलात्कार गरेको आरोपमा बाबु , मामा र नाता पर्ने दाजु पक्राउ परेका छन् ।जिल्लाको पूर्वी बेल्टार–बसाहा नगरपालिकाकी एक १३ वर्षीया बालिकामाथि जवरजस्ती गरेको आरोपमा बालिकाको आफ्नै बाबु र दाजु नाता पर्ने छिमेकी युवा पक्राउ परेको प्रहरीले जनाएको छ ।

आप्mनै बाबु , मामा तथा छिमेकी दाजुबाट छोरी बलात्कृत भएको उजुरी आमाले दिएको आधारमा इलाका प्रहरी कार्यालय बेलटारले बालिकाका बाबु र छिमेकी दाजुलाई विहीबार पक्राउ गरी कारबाही प्रक्रिया अघि बढाएको जनाएको छ । बालिकाकी आमाले छोरीमाथि विगत छ महिनायता आफन्तबाटै पटक पटक बलात्कार हुँदै आएको उजुरी दिएपछि उनीहरुलाई पक्राउ गरी अनुसन्धान थालिएको इप्रका बेलटारले जनाएको छ ।

मादक पदार्थ सेवन गरेर बालिकामाथि जवरजस्ती गर्ने गरेको उजुरीमा उल्लेख छ । सुरुमा गत मंसिरमा आफु घर नभएको बेला बाबुबाटै मादक पद्धार्थ सेवन गरेर छोरीमाथि जवरजस्ती गरेको र त्यसपछि मामाले र अलि पछिदेखि दाजु पर्ने छिमेकीले उनीमाथि जवरजस्ती गर्दै आएको थाहा पाएर उजुरी दिएको आमालाई उद्धृत गर्दै प्रहरीले जनाएको छ । डर, त्रास र प्रलोभन देखाएर उनीमाथि जवरजस्ती भएको कुरा आमाले निकै पछि मात्र थाहा पाएको बताइएको छ ।

आरोपीमध्ये मामा घरमा नभएकाले खोजी कार्य भईरहेको छ भने विहीबार साँझ पक्राउ बाबु र छिमेकी दाजुविरुद्ध शुक्रबार म्याद थपेर थप अनुसन्धान थालिएको जिल्ला प्रहरी कार्यालय उदयपुरका प्रमुख प्रहरी उपरिक्षक नरबहादुर केसीले बताउनुभयो ।

-भोटराज राई/उदयपुर