काठमाडौँ, बैशाख १३: पूर्वमिस नेपाल माल्भिका सुब्बाले आमा बनेको ११ दिनपछि आफू आमा भएको सार्वजनिक गरेकी छन् ।

वैशाख २ गते छोराकी आमा भएकी माल्भिकाले सोमबार मात्र परिवारमा खुशी छाएको सार्वजनिक गरेकी हुन् । सुब्बाले चार वर्षको वैवाहिक सम्बन्धपछि सुखद समाचार दिन पाउँदा खुशी लागेको बताएकी छन् । केही समय अघि सुब्बाले इन्स्ट्राग्राममा तस्बिर पोष्ट गर्दै सन्तान जन्माउने खुलासा गरेकी थिइन । त्यसपछि सामाजिक सञ्जालमा नदेखिएकी सुब्बाले सोमबार फेसबुक मार्फत पुत्र लाभ भएको सार्वजनिक गरेकी हुन् ।

सुब्बाले वैवाहिक सम्बन्धमा बाँधिएको चार वर्ष पुगेकै दिन पुत्र लाभ भएको कुरा सार्वजनिक गरेकी हुन् ।  सुब्बाले फेसबुक पेजमा लेखेकी छन्, ‘चार बर्षको वैवाहिक सम्बन्ध बाँधिएको दिनमा सुखद समाचार दिन पाउँदा खुशी छौँ। यही वैशाख २ गते, अप्रिल १४ तारिक हामिलाई पुत्र लाभ भएको छ ।’

माल्भिकाले यो समयमा सहयोग गर्ने सबैलाई धन्यावाद दिएकी छन् । उनले सहयोगीलाई धन्यवाद दिदै आफ्नो छोरालाई स्वागत गरेकी छन् । छोराको नाम जइर रिओ सुब्बा श्रेष्ठ राखेको समेत खुलासा गरेकी छन् ।