शचित्र/अर्जुन पाख्रिन तामाङ

काठमाडौं, वैशाख १२ : भूकम्प गएको वैशाख १२ गते एक वर्ष भयो । भूकम्प आए पछि काठमाडौंमा बसोबास गर्नेहरुले धेरै जसो खुल्ला चउर खोजे । कसैको मन स्थिर थिएन । यही स्थिर मन नहुने मध्ये म पनि एक थिए । मेरो बसाई बौद्ध नयाँ वस्ति थियो । घरको लाखाङ लडेपछि क्यामारा भिरेर निस्किए ।

दुइ बहिनीलाई खुल्ला चउरमा राखेपछि बौद्ध लागे । धेरैले बौद्धस्तुपा ढ्ल्यो भने पछि दौडिए । वास्तवमा सूचना गलत रहेछ । बौद्धको माथिल्लो चार सुर मध्ये एक सुर भत्किएको र सबै लुङदुरहरु चुडिएका रहेछन् । यही बीचमा कोरा गर्नेहरु डराउँदै आए ।

यहीबीचमा मैले बौद्धस्तुपाको तस्विर लिएको हुँ । यसैगरी २९ गतेको भूकम्प आउँदा पनि बौद्धमा नै थिए । लाग्छ, म पनि भाग्यले बाँचेको मान्छे हुँ ।