हेडलाईन

तामाङ समाज क्यानाडाको तेश्रो अधिवेशन सम्पन्न         तामाङ सोसाईटी अफ सिड्नीको अध्यक्षमा विशाल तामाङ चयन         नेफिन इजरायलको अध्यक्षमा कुमार आङ्देम्बे चयन         ग्याल्थुमकी मृगौला पिडितलाई वडाअध्यक्ष द्वारा सकलित रकम हस्तान्तरण         नेफिन इजरायलको ११ औ वार्षिकोत्सव तथा साधारण सभा हुदै         रोमानियामा पहिलो पटक बुद्ध जयन्तीको पावन अवसरमा शान्तिपुर्न -याली सुसम्पन्न ।         क्यानाडाको मिस्सीसागामा २५६७ औं बुद्ध जयन्ती समारोह सम्पन्न         नेवा: खल: इजरायलले साधारण सभा तथा फोटो प्रतियोगिताको आयोजन गर्दै         नेपाल तामाङ घेदुङ रोमानियाको पहिलो अधिवेशन भव्यताका साथ सम्पन्न         रोमानियामा निधन भएका तामाङको शब नेपाल पुग्यो         मृगौला पिडितलाई आर्थिक सहयोग         तामाङ सोसाइटी अफ अमेरिकाको अध्यक्षमा बुद्धिमान तामाङ निर्वाचित         प्रतिभाशाली तामाङ संचारकर्मी दीपेन्द्र दोङ तामाङको निधन         प्रदेश नम्बर १ को पुन:नामाकरण आन्दोलनका घाइते लिम्बुको मृत्यु ,शहिद घोषणा गर्न माग         क्यानाडामा छक्का पन्जा-४ पहिलो दिन हाउसफूलको साथ् प्रदर्शन        

चोर बाटो हुँदै अमेरिका छिर्न सजिलो छैन, लास माथि टेक्दै , अग्लो बार नाघ्दै ….

usa

यो यात्रा वृतान्त हो सिन्धुपाल्चोककी ३० वर्षीया युवती रमिला श्रेष्ठ (नाम परिवर्तन) को । उनी ४ महिना लगाएर यसै साता अमेरिका आइपुगेकी छन् ।निकै जोखिमपूर्ण उनको यात्रा क्रिस्टोफर कोलम्बस या भास्को डि गामाको भन्दा कम रोचक र साहसिलो छैन ।

रमिलालाई दलालले २३ लाख रुपैयाँ लिएर मेक्सिकोको सीमानामा छाडिदिएको थियो । त्यहाँबाट उनले अमेरिकाको क्यालिफोर्नियामा पर्ने टिजुएना छिर्न आफूभन्दा निकै अग्लो बार नाघिन् । त्यसपछि अमेरिकी प्रहरीसामु आत्मसमर्पण गरिन् ।

रमिलालाई हातमा हतकडी, खुट्टामा नेल र घाँटीमा साङ्लोले बाँधेर अमेरिकन प्रहरीले हिरासतमा लियो ।

पक्राउ परेपछि उनले वकिलसँग सल्लाह गरिन् । प्रहरीले उनलाई अदालतमा पेश गर्‍यो । उनका वकिलको आग्रहअनुसार न्यायाधीशले उनलाई ७ हजार डलर (करिव साँडे ७ लाख रुपैयाँ) धरौटी लिएर छाडिदिए ।

अहिले उनी अमेरिकाको सुदूरपश्चिमी राज्य क्यालिफोर्नियाबाट सुदुरपूर्वी राज्य न्युयोर्क आइपुगेकी छन् । छिटो उड्ने जेटमा समेत यात्रा गर्न ७ घन्टा लाग्ने दुई राज्यबीचको दुरी उनले तीन दिन लगाएर बसमा पार गरिन् ।

उनलाई अभिभावकले काठमाडौंबाटै ७ सय डलर तिरेर हवाइजहाजको टिकट लिइदिएका थिए । तर, आफ्नो पासपोर्ट अमेरिका प्रवेश गर्नुअघि फ्याँकिसकेकाले उनीसँग परिचय खुल्ने कागजात केही थिएन । त्यसैले उनले हवाइजहाजमा यात्रा गर्न पाइनन् र तीन दिन बस चढ्न बाध्य भइन् ।
यसरी भयो अमेरिका यात्रा

उनको यात्रा सुरु हुन्छ, काठमाडौंबाट । गाउँमा उनका बाबु र दुई दाजुका परिवार छन् । आमा सानैमा गुमाएकी उनी परिवारकी एक्ली छोरी हुन् ।

उनी काठमाडौं बसेर पढ्थिन् । त्यही क्रममा उनले ब्युटी पार्लरको तालिम लिइन् । त्यसैबीच उनको नाकको शल्यक्रिया गर्नुपर्‍यो । त्यसपछि उनलाई धुलो र धुवाँले एलर्जी हुने समस्या देखियो । डाक्टरले धुलोधुवाँबाट बच्न भने । तर, काठमाडौंमा धुलोधुँवाबाट कसरी बच्ने ? यो सम्भवै छैन ।

त्यसपछि उनले कोरिया जाने योजना बनाइन् । कोरियन भाषाको परीक्षाको तयारी गरिन् । मेहनत गरेर परीक्षामा उनले ९८ प्रतिशत नम्बर ल्याइन् । त्यसपछि उनी कोरियाबाट कामदार भिसा अनुमतिको पर्खाइमा बसिन् । दिन, हप्ता, महिना बिते, उनको भिसा आएन ।

निराश बनेकी उनी कहिलेकाहीँ गाउँ र्फकन्थिन् । गाउँमा उनलाई सबैले जिस्क्याउँथे । ‘विदेश जान्छु भन्थिस् त, अझै यतै छेस् ? यसो भनेर सबैले गिज्याउँथे,’ अहिले उनी सम्भिmन्छिन्, ‘त्यतिखेर आफूलाई निकै ग्लानी हुन्थ्यो ।’

त्यही ब्युटीसियनको काम गर्दा उनले आफूलाई राम्री बनाउन चाहनेहरुको पेडिक्योर गर्न खुट्टा छुनुपथ्र्यो । उनका गाउँका आफन्तहरुले उनलाई ‘पढेर पनि अरुका खुट्टा धोएर बस्छे’ भन्दै गिज्याउँथे ।

उनले ती गाउँलेलाई देखाउनकै लागि विदेश गएरै छाड्ने अठोट गरिन् । तर जाने कसरी ? उनले धेरै केटा मान्छेहरु दलाललाई पैसा बुझाएर अमेरिका छिरेको सुनेकी थिइन् । त्यहाँ राम्रो कमाइ हुन्छ, जीवन सुखमय हुन्छ भन्ने उनले सुनेकी थिइन् । त्यही सपनाको मुलुक अमेरिकाले उनलाई पनि तान्यो । एकपटक त्यहाँ पुग्ने प्रयास गरिहेरौं जस्तो उनलाई लाग्यो ।

उनले चिनेजानेका सबैसँग दलालको सम्पर्क मागिन् । विदेश जानेलाई सहजीकरण गरिरहेकाहरुसँग सल्लाह गरिन् । अनेक प्रयासपछि उनको विदेशमा रहेका एकजना दलालसँग सम्पर्क भयो ।

फेसबुकमार्फत सम्पर्क भएका दलालले पहिले उनलाई पत्याएनन् । अनेक अनुनय विनय गरेपछि उनको डिल फाइनल भयो । दलालले भनेअनुसार उनी रकम बुझाउन तयार भइन् । त्यसपछि दलालले टिकट काटेर मलेसिया आउन भने ।

उनले पनि अवैध बाटो हुँदै गरिने अमेरिकासम्मको यात्रा निकै जोखिमपूर्ण हुने कुरा सुनेकी हुन् । धेरै मुलुकको बोर्डर पार गरेर तय गरिने अमेरिकाको यात्रा सफल हुन्छ भन्ने कुनै ग्यारेन्टी थिएन । ज्यानको जेखिमसमेत हुनसक्थ्यो । उनले हिम्मत जुटाइन् ।

दलाललाई केही रकम पेश्की उनका आफन्तमार्फत बुझाएपछि एक्लै सुरु भयो उनको अमेरिका पुग्ने अनन्त यात्रा । सुरुमा उनी मलेसिया उडिन् । दलालसँग मोवाइल र अरु अनलाइन मेसेन्जरमार्फत मात्र उनको सम्पर्क हुन्थ्यो ।

दलालले उनलाई मेसेन्जरमा सम्बन्धित मुलुकको सम्पर्क व्यक्तिको नाम, ठेगाना, बस्ने होटल लगायतको विवरण पठाउँथे । त्यहीअनुसार उनी सम्पर्क गर्दै अगाडि बढ्थिन् ।

मलेसिया पुगेपछि उनको विभिन्न मुलुकबाट अमेरिका पुग्ने सपना बोकेका अरु ४/५ जनासँग भेट भयो । त्यसपछि उनीहरुसँगै मलेसियाबाट बोलिभिया, पेरु, इक्वेडोर कोस्टारिका, निकारागुवा, एलसाल्भाडोर, ग्वाटेमाला हुँदै मेक्सिको पुगे ।

यात्रा कतिको कठिन भयो ? ‘मलाई त्यति गाह्रो भएन,’ उनले सुनाइन् । यसो भन्दैगर्दा उनको अनुहार विजयी भावमा धपक्क बलेको थियो । यद्यपि उनले बाटोमा देखेका, भोगेका कुरा अरुका लागि आङै सिरिङ बनाउने खालका थिए ।

उनले कैयौं रात जंगलको बाटो हुँदै यात्रा गर्नुपर्‍यो । दलालले कुनै मुलुकको बोर्डर आउन लागेपछि कता सुरक्षा कडाइ छ, कता खुकुलो छ भनेर बुझ्थे । त्यसैअनुसार उनीहरुको हिँड्ने रुट परिवर्तन हुन्थ्यो । कतिपय ठाउँमा उनले मानिसका लाससमेत टेक्दै हिँड्नुपर्‍यो ।
‘सँगै गएका साथीहरु बिरामी परे उसलाई रुँगेर बस्ने फुर्सद हुँदैनथ्यो,’ उनले भनिन्, ‘तिनीहरु उपचार नपाएर त्यहीँ मर्न सक्छन् ।’ उनले एक दिन बास बसेको ठाउँमा भोलिपल्ट मानिसको लास त्यतिकै ढलिरहेको देखिन् ।

हिँड्ने बाटोमा सधैं हतार हुन्थ्यो । विस्तारै हिँड्नेहरु र हिँड्न नसक्नेहरु बाटैमा छुट्थे । एक दिन लगातार ९ घण्टासम्म जंगलको बाटो हिँड्नुपर्‍यो उनले । कतिपय ठाउँमा उनी समस्यामा परिन् । ती ठाउँमा उनी प्रहरीसमक्ष पुगेर आत्मसमर्पण गर्थिन् । ‘त्यसो गर्दा त्यो मुलुकमा रहुन्जेल सुरक्षित रुपमा बस्न पाइन्थ्यो,’ उनले भनिन्, ‘त्यहाँ रहँदा प्रहरीले निश्चित समयभित्र सम्बन्धित मुलुक छाड्ने आदेशसहितको कागज उपलब्ध गराउँथ्यो । त्यो कागजका आधारमा सुरक्षित रुपमा बस्न सकिन्थ्यो ।’

उनी मेक्सिकोमा आएपछि पक्राउ परिन् र त्यहाँ ६ दिन बसेर छुटिन् । त्यसपछि उनी अमेरिकाको बोर्डर पार गर्न अग्लो बार नाघेर फाल्हालेकी थिइन् ।

अमेरिका छिर्दा उनीसँग आफूले लगाएको एकसरो कपडाबाहेक केही थिएन । उनी अहिले आधा भाडा तिर्नेगरी एक जना नेपाली दिदीसँगै बसेकी छन् । उनलाई नेपालबाट दाजुले अहिलेसम्म खर्च पठाइरहेका छन् ।

संसारकै वैध, अवैध आप्रवासीहरु बस्ने शहर न्युयोर्कमा उनले यसै साता आफूलाई आवश्यक, कपडा, कस्मेटिक्स लगायत दैनिक आवश्यकताका सामानहरु किनमेल गरिन् ।

यतिखेर उनको शरणार्थी बन्ने प्रक्रियाको मुद्दा अघि बढेको छ । उनी यहाँ बस्न खर्च जुटाउन र दलाललाई तिरेको खर्च उकास्न कामको खोजीमा छिन् । झण्डै ३० लाख रुपैयाँ खर्च गरेर अमेरिका आएकी उनले कति समयमा त्यसको भरताल गर्लिन् ? उनीसँग यसको स्पष्ट उत्तर छैन । यद्यपि उनलाई जोखिम मोलेर र पैसा खर्च गरेर यसरी अमेरिका छिरेकोमा कुनै पश्चाताप छैन ।

रमिला एउटी प्रतिनिधि पात्र हुन् । युवाहरु यसरी अमेरिका छिरेका समाचार बारम्बार सञ्चार माध्यममा आइरहेका छन् । तर, युवतीले समेत यस्तो कठिन यात्रा तय गरेको भने बिरलै सुन्न पाइन्छ ।

रमिलालाई उनको हिम्मत र पैसाले अमेरिका ल्याइदिएको हो ।

रमिलाका अनुसार सिन्धुपाल्चोकबाट यसरी अवैध बाटो हुँदै अमेरिका आउने उनी एक्ली भने हैनन् । भूकम्पपछि सिन्धुपाल्चोकका धेरै बस्ती ढलेर सोत्तर भए । त्यहाँको उत्तरी सीमानाका तातोपानी अझै सञ्चालनमा आउन सकेको छैन ।

धेरैलाई राम्रो रोजीरोटी उपलब्ध गराउने नाका सुचारु हुन नसकेपछि धेरैले यसैगरी जोखिम मोलेर अवैध बाटोबाट अमेरिकासम्मको यात्रा तय गरेका छन् ।

‘मेरो जिल्लाका कैयौं गाउँका अधिकांश युवा यसैगरी अमेरिका आएका छन्,’ उनले भनिन्, ‘यस्तो क्रम कतिञ्जेल चल्ने हो, कसैलाई थाहा छैन ।’ साभार:अनलाइनखबर |






शुभकामना

भर्खरै...

लोकप्रिय

रोचक खबर

रोमानियामा सोनाम ल्होछार तथा बृहत् साँस्कृतिक कार्यक्रम सभ्य र भब्य रुपले सम्पन्न

रोमानियामा सोनाम ल्होछार तथा बृहत् साँस्कृतिक कार्यक्रम सभ्य र भब्य रुपले सम्पन्न

"प्रावास मा आफनो भाषा , धर्म कला र संस्कृति को जगेर्न गर्नै " भन्ने मुल नारालाई आत्मसात गर्दै सन् ०१।०१।२०२३ का... बाँकी यता

Phursang Lama / February 18, 2024

५५ वर्षपछि दुई देशबीच श्रम समझदारी कायम

५५ वर्षपछि दुई देशबीच श्रम समझदारी कायम

  रोमानिया । नेपालीहरुको आकर्षक गन्तव्य बन्दै गएको युरोपेली मुलुक रोमनियासँग नेपालले द्विपक्षीय श्रम... बाँकी यता

Phursang Lama / October 7, 2023

 Photo Gallery

  • अमेरिकास्थित दुई तामाङ संस्थाबिच एकता हुने

  • नेपाल तामाङ घेदुङको कोन्ज्योसोम घोषणा पत्र २०७४ सार्वजनिक

  • फोनिजको अध्यक्षमा डण्ड गुरुङ निर्विरोध निर्वाचित

  • अभिनेत्री पूर्णिमा लामा तामाड – म रुन्चे कहाँ हो र ?’

  • चर्चित मोडल स्मिताका सात कामुक फोटो सार्वजनिक(फोटोफिचर)

  • लुम्बिनीमा अन्तर्राष्ट्रिय बौद्ध सम्मेलन गर्ने तयारी

  • नेपाल तामाङ घेदुङको राष्ट्रिय बिधान-सभा चैत २३ र २४ गते

  • पहिचानको मुद्दा कहाँ पुगेर अत्कियो ?

  • यस्तो छ – नमस्कार गर्नुको कारण र महत्व

  • स्वयम्भुमा १३ पटक परिक्रमा र सरसफाई कार्यक्रम सम्पन्न (फोटो सहित)

  • महिलाले ध्यान दिने पुरुषका ७ चिज

  • प्रधानमन्त्री प्रचण्डले तामाङ संस्कृति भवन बनाउन सहयोग गर्ने घोषण,कुलमान घिसिङको प्रशंसा

  • राष्ट्रिय सोनाम ल्होछारको अवसरमा तामाङ ह्वाइखा (कविता ) प्रतियोगिता हुने

  • तमु ल्होसार के हो र कसरी मनाईन्छ ?

  •  Music videos

  • नेपालले गर्यो नयाँ नक्सा सार्वजनिक

  • भारतले जबरजस्ती हटाउन लगायो नेपाल भारत सम्बन्धि बीबीसीको डकुमेण्टी

  • तामयिक लिपी र सम्भोटा लिपीमा फरक के छ ? लेख्ने तरिका सहित

  • ‘तिम्रो घरको वरिपरि’ युट्युब ट्रेन्डिङ नम्बर १ मा (भिडियो)

  • मिस तामाङ २०१८ का सहभागीहरु तामाङ भुषभुषा र डम्फुको साथमा तामाङ भाषाको गीत गाउदै

  • तीनकुनेमा आयोजित सोनाम ल्होछार कार्यक्रममा सुरक्षाकर्मीले हस्तक्षेप किन गर्यो ? भिडियो हेर्नुहोस् …

  • मिस तामाङ प्रतियोगिता २०१८ को भाग -१ , मन पर्नेलाई भोट हाली जिताऊ (भिडियो)

  • तामाङ सेलो ‘ल्होछार पर्वमा …. सुनिता पाख्रिन तामाङ

  • बालवालिका केन्द्र खोलेर बाल ब्यापार गर्ने प्रशासनको नियन्त्रणमा (जनतासंग सिधा कुरा)

  • बिज्ञापनका लागि:
     [email protected]
    लेख, रचना र समाचारका लागि:
     [email protected]
    सामाजिक संजाल तर्फ:
    सर्वाधिकार © 2012 - 2024: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution