लण्डन – १६ अप्रिल २०१६ को दिन प्लमस्टिड, लण्डन स्थित अस्मिता असोसिएट्सको कक्षाहलमा दक्षिणपूर्व क्षेत्रीय तमुधिं लण्डनका अध्यक्ष श्रीचन्द्र गुरुङको अक्ष्यक्षतामा यस वर्षको बुद्ध जयन्ती तैयारीका लागि बैठक सम्पन्न भएको छ । समाजका महासचिव अवकाशमा रहेको हुनाले कार्यक्रमलाई समाजका उपाध्यक्ष हिरा प्रसाद गुरुङले सबैलाई स्वागत गरेर कार्यक्रम सञ्चालन गरेका थिए ।

कार्यक्रमको विशेष उद्धेश्य बुद्ध जयन्तीको अवसरमा अब आउने २१ मई २०१६का दिन “बुद्ध नेपालमा जन्मेका थिए” भन्ने नाराका साथ शान्ति पदयात्रालाई सफल पार्ने मूल विषयमाथि छलफल रहेको थियो । भर्खरै नेपाल भ्रमणबाट फर्केका अध्यक्ष, श्रीचन्द्र गुरुङले आफ्नो यस पटकको भ्रमण अत्यन्त फलदायी रहेको कुरा व्यक्त गरेका थिए ।

गतसाल नेपालमा महाभूकम्पबाट क्षतिग्रस्त दुईवटा स्कुलको पुनरनिर्माण क्रमशः लम्जुङ जिल्लाको बाँझाखेत गाविस, भाचोक गाउँ स्थित प्राथमिक विद्यालय र धादिङको एउटा निम्न माध्यमिक विद्यालयका लागि आर्थिक सहयोग प्रदान गरेर पुनर्निमाण कार्य पूरा भएको, दिर्घरोगीहरुको उपचारार्थ आर्थिैक सहयोग गर्ने हेतुले तमुधिं नेपालका लागि एकलाख पच्चीस हजार रकम अक्षयकोष खडा गरिएको तथा विभिन्न ती संस्थाहरुबाट सम्मान गरिएको जानकारी बैठकलाई दिएका थिए । घाचोक गाउँ समाजका उपाध्यक्ष हिरा प्रसाद गुरुङका पूर्वी लमजुङ स्थित गाउँ हुन जुन गाउँमा महाभूकम्पले ठुलै क्षति पुर्याएको थियो ।

त्यसपछि लगत्तै यसवर्षको बुद्ध जयन्तीका सारथी तथा संयोजक, समाजका सल्लाहकार सुमल कुमार गुरुङले बुद्ध जयन्ती तैयारीका लागि विविध विवरण पेश गरेका थिए । विभिन्न स्थानीय नेपाली संघसंस्थाहरुको सहभागिता रहेको पहिलो चरणको बैठकमा संयोजक सुमल कुमार गुरुङले हल बुकिंग, मेट पुलिसबाट मञ्जुरी, कौन्सिलसंगको पत्रचार, कार्यक्रमको दिन पदयात्राको बाटो तथा त्यसपछिका विवरण सबै पेश गरेका थिए । बृहत छलफल पछि यसपटक भव्यताका साथ शान्ति पदयात्रा सम्पन्न गरिने र यस शान्ति पदयात्रको औचित्य चरितार्थ गर्ने कुरामा सबैले ऐक्यबद्धता जनाएका थिए । यस कार्यका लागि चाहिने आर्थिक सहयोगका लागि पनि संघसंस्थाहरुले प्रत्तिबद्धता जनाएका थिए ।

बैठकको अन्तिम चरणमा अब १४ मई २०१६का दिन सम्पन्न गरिने ग्रिनविच फुटबल कप प्रत्तियोगिताका लागि समाजले अहिलेसम्म गरेको तैयारी विवरण समाजका सहकोषाध्यक्ष तथा नेपालीज युथ ग्रिनविचका अध्यक्ष ह्यारी गुरुङले प्रकाश पारेका थिए । सोही अवसरमा बुद्धजयन्तीका लागि अािर्थक प्रायोजन गर्ने दाताहरुले केहि आर्थिक सहयोग घोषना गरेका थिए । अन्तमा सारादेवी गुरुङ तथा लिला गुरुङले प्रायोजन गरेका स्वादिष्ट डिनर ग्रहण पश्चात बैठक समापन गरेको थियो ।