नेपालका धेरै नायिकाहरु नव बर्षको शुरुको दिनमा आ-आफ्नै कार्यक्रमहरुमा ब्यस्थ देखिन्छन् । कोहि नायिकाहरु नयाँ चलचित्रको शुटिङ्मा व्यस्थ, त कोहि बिभिन्न सांस्कृतिक कार्यक्रमहरुमा व्यस्थ , यो त नौलो कुरा भएन |

तर एक नवनायिका शुटिङ र साँस्कृतिक कार्यक्रममा नभई हरेक दिन जस्तै काठमाडौंको सुन्धारा, रत्नपार्क हुँदै छाउनी, सितापाईला रुटमा टेम्पो चलाउन ब्यस्थ छिन् । उनी हुन् चलचित्र टेम्पो चालककी नायिका कोपिला तमाङ ।

नेवार संस्कृति र तामाङ संस्कृतिलाई आधार मानेर निर्माण भएको चलचित्र “टेम्पो चालक”का  नायिका कोपिला तामाङ संगको छोटो कुराकानी |

यो चलचित्र युनिटसँग तपाईको भेट कसरी भयो त ?

‘म टेम्पो चलाउँदै थिए ‘। अचानक चलचित्रका निर्माता गंगा नेम्कुल मेरो टेम्पोमा चड्नुभयो । वहाँ भर्खरै अष्ट्रेलियाबाट नेपाल आउनुभएको रहेछ । वहाँको सपना हामी जस्तै महिला टेम्पो चालकको सम्मानमा यसै बिषयमा एउटा चलचित्र निर्मार्ण गर्ने । त्यसको लागि वहाँले मलाई मद्दत माग्नुभयो । मैले नचिनेको मान्छे भएको हुनाले शुरुमा वहाँलाई कुनै बचन दिईन । बिस्तारै वहाँले चलचित्रको बारेमा पुर्णरुपमा जानकारी दिनुभयो । त्यसपछि नेपालका चर्चित हास्यकलाकार रवी डंगोलसँग भेट गराई भन्नुभयो चलचित्र टेम्पो चालकको निर्देशक वहाँ नै हो । त्यसपछि भने मैले पूर्ण रुपमा बिश्वास गरे ।’

टेम्पो चलाउन र अभिनय गर्न कुन सजिलो रहेछ त ?

‘टेम्पो त मैले सधै चलाउदै आएको पेशा, सजिलो भैहाल्छ नी । अभिनय त पहिलो पटक गर्दै थिए । साह्रै गाह्रो लाग्यो, तर चलचित्रको निर्माण टिमको सहयोगलेनै मैले चलचित्र गर्न सके ।

‘भोली नयाँ बर्ष’को पहिलो दिनको ब्यस्थता के छ त ?

‘नयाँ बर्षको पहिलो दिन मात्र होईन म त बर्षभरी नै टेम्पो चलाउनमै ब्यस्त हुन्छु ‘। आफ्नो पेशमा गर्व गदै कोपिलाले भनिन् ।