हेडलाईन

तामाङ समाज क्यानाडाको तेश्रो अधिवेशन सम्पन्न         तामाङ सोसाईटी अफ सिड्नीको अध्यक्षमा विशाल तामाङ चयन         नेफिन इजरायलको अध्यक्षमा कुमार आङ्देम्बे चयन         ग्याल्थुमकी मृगौला पिडितलाई वडाअध्यक्ष द्वारा सकलित रकम हस्तान्तरण         नेफिन इजरायलको ११ औ वार्षिकोत्सव तथा साधारण सभा हुदै         रोमानियामा पहिलो पटक बुद्ध जयन्तीको पावन अवसरमा शान्तिपुर्न -याली सुसम्पन्न ।         क्यानाडाको मिस्सीसागामा २५६७ औं बुद्ध जयन्ती समारोह सम्पन्न         नेवा: खल: इजरायलले साधारण सभा तथा फोटो प्रतियोगिताको आयोजन गर्दै         नेपाल तामाङ घेदुङ रोमानियाको पहिलो अधिवेशन भव्यताका साथ सम्पन्न         रोमानियामा निधन भएका तामाङको शब नेपाल पुग्यो         मृगौला पिडितलाई आर्थिक सहयोग         तामाङ सोसाइटी अफ अमेरिकाको अध्यक्षमा बुद्धिमान तामाङ निर्वाचित         प्रतिभाशाली तामाङ संचारकर्मी दीपेन्द्र दोङ तामाङको निधन         प्रदेश नम्बर १ को पुन:नामाकरण आन्दोलनका घाइते लिम्बुको मृत्यु ,शहिद घोषणा गर्न माग         क्यानाडामा छक्का पन्जा-४ पहिलो दिन हाउसफूलको साथ् प्रदर्शन        

कुवेतमा ज्योति लामालाई १४ वर्षे ठिटोले मसँग बिहे गर, घर बनाई दिन्छु भनेपछि…

jyoti lama
चैत ३० – ‘तँ मसँग बिहे गर्छेस ? बिहे गरिस भने नेपालमा घर बनाइदिन्छु’ ६ महिनादेखि आफूले स्याहार्दै आएको छोराकै उमेरको केटोले ज्योति लामासँग भन्यो ।कामका लागि कुवेत पुगेकी लामासँग आफ्नै मालिकको छोराले यति भनेपछि उहाँको रिसको पारो बढ्यो । उहाँको हातमा पानीको पाइप थियो । रिसको झोकमा त्यही पाइपले त्यो केटालाई हिर्काउनुभयो ।

‘उसलाई हानेपछि उसले पनि मलाई हिर्कायो’ लामाले उज्यालो अनलाइनसँग भन्नुभयो ‘त्यसपछि म त्यहाँ बस्ने कुरै भएन ।’ १० वर्षअघि कुवेत गएकी ज्योतिले यो घटनापछि काम गर्दै गरेको ठाउँ छोड्नुभयो । विदेशमा भोगेका पीडा सुनाउँदै गरेकी ज्योति विदेशिनुको कारण पनि कम दुःखदायी छैन ।

काभ्रेकी ज्योति लामाको १३ वर्षकै उमेरमै रामेछापको बेथानका बस्तीराम घिसिङसँग बिहे भयो । घरको आर्थिक अवस्था निक्कै कमजोर थियो । तर यतिबेलै उहाँको गर्भमा भएको बच्चा छिप्पिदै थियो । घर व्यवहार र आफ्नै काँधमा भएकाले थाङ्का लेखेर भएपनि गुजारा गर्नुपथ्र्यो उहाँले । १५ वर्षको उमेरमा गर्भवती भएपनि अपरिपक्व शरीर भएको कारणले गर्भ खेर गयो ।

उहाँको अर्को पाटो थियो तत्कालिन माओवादी जनयुद्ध । ज्योतिले २०५४ सालदेखि तत्कालिन माओवादीले चलाएको जनयुद्धमा पनि भाग लिनुभयो । भनिन्छ नी हुने हुनामी टारेर टर्दैन । त्यस्तै भयो ज्योतिको जिन्दगीमा पनि ।
रोल्पामा माओवादीले गरेको आक्रमणका क्रममा ज्योतिको ज्यान गएको हल्ला गाउँभरी फैलियो । श्रीमतीको निधन भएको सुनेपछि ज्योतिका श्रीमानले आत्महत्या गरे । ‘त्यतिञ्जेलसम्म बाहिर हिँडे पनि छोराछोरी हेर्ने हुनुहुन्थ्यो तर उहाँ नै नरहेपछि उनीहरुको हेरचाह गरिदिने पनि कोही भएन ।’ ज्योति भन्नुहुन्छ । श्रीमानको निधन अनि छोराछोरीको भविष्य । यिनै दुई कुराले बाध्य बनायो ज्योतिलाई विदेशिन । २०६२ सालमा गाउँकै कमानसिंह दोङसँग भेट भएपछि दोङले काठमाडौं लगेर हेटौंडाकी माया तामाङलाई जिम्मा लगाईदिनुभयो । उहाँसँगै कुवेत हिँडेकी कमानसिंहकी श्रीमती पनि सँगै थिईन् ।

विदेश हिँडेकी ज्योतिलाई नेपालको एयरपोर्टबाट जान पाइँदैन भन्दै भारतको दिल्ली लगे कुवेत उडाउन । तर ७ दिनसम्म दिल्लीमै राखियो । ‘दिल्लीको बसाई कम कष्टपुर्ण थिएन’ ज्योतिले भन्नुभयो ‘१०–१५ लाई कोचेर एउटै कोठमा राखे अनि पेटभरी खान नदिई महिलालाई जर्बरजस्ती अरु नै धन्दामा लगाउन खोज्दै थिए, तर सकेनन् ।’
दिल्लीबाट त बल्लतल्ल उडायो तर तावाबाट फुत्केको माछो भुङग्रोमा भने जस्तै भयो ज्योतिलाई । एक त कहिल्यै नसुनेको भाषा त्यो माथि पनि २० जनाको परिवारमा काम गर्नुपर्ने, परिवारमा प्राय सवै उमेर समूहका भएको हुँदा सवैको ईच्छा चाहाना पनिअ लगअलग । सुरुमा त आत्तिनु पनि भयो उहाँ । भाषा त भोगाईले सिकाउने हो ।

ज्योतिले पनि काम गर्दै जाँदा केहि महिनामा जानी नजानी कुवेती भाषाका केही शब्द त सिक्नुभयो तर उहाँप्रति गरिने व्यावहार दिनदिनै कठोर हुँदै गयो । भन्नुहुन्छ ‘२० जनाले आ–आफनै कुरा माग्थे । एक जनाले उनीहरकै भाषामा आलुको तरकारी माग्दा, अर्कोले टमाटरको अचार माग्थे, अनि अर्कालाई तत्कालै दूध दिनु पर्थ्यो । भाषा बुझ्न थालेपछिको सास्ती सुनाउँदै गर्दा उहाँले सुरुको अवस्था सम्झिँदा आङ नै जिरिङ हुने बताउनुभयो ।

कुटाई खाएकै घरमा बस्ने सल्लाह

भाषा पनि जानेपछि काम चल्दै थियो । एक दिन त्यही घरको १४ वर्षको केटोले ज्योतिसँग भन्यो ‘तँ मसँग बिहे गर्छेस ? बिहे गरिस भने तँलाई नेपालमा घर बनाइदिन्छु ।’

केटाको यो भनाई सुनेपछि उहाँको हात थामिएन । उहाँले पहिल्यैको कुरा दोहोर्‍याएर भन्नुभयो ‘खुकुरीले काट्दा बरु सह्य हुन्थ्यो होला तर त्यति बेलाको पीडा त्यो भन्दा पनि असह्य भयो ।’

केटोसँग हात हालाहाल हुँदा ज्योतिको निधार फुट्यो र बगेको रगत पुछ्दै उहाँ सडकमा निस्किनुभयो । रुँदै गर्दा पुलिसले समातेर सोधपुछ गर्‍यो र घरमा लिएर गयो । सोधपुछको लागि उहाँले काम गर्ने साहुको घरकालाई मेत लग्यो । कुवेतमा नेपाली दूताबास नभएको कारण साउदीबाट आउनुपर्थ्यो । दूतावासबाट कर्मचारी आए पनि । तर उहाँलाई फेरि पनि त्यहि घरमा नै गएर काम गर्नको लागि सल्लाह दिए । तर उहाँले त्यो सल्लाह मान्नु भएन । उहाँ नेपाल फर्कनुभयो ।
ज्योतिले आफ्नो यो पीडा सामुदायिक जनशक्ति विकास कार्यक्रम गोल्माटारले गरेको नाटक हेरेपछि सुनाउनुभएको हो । ‘नाटकका कलाकारले विदेश कस्तो छ देख्नुभएको त छैन होला तर उहाँहरुले देखाउनुभएका कुरा गलत छैन’ ज्योतिले भन्नुभयो ।

विदेशीको बच्चा पनि आफ्नै जस्तो लाग्थ्यो

दुई वर्ष बस्दा शारीरिक रुपमा हिंसा त खेप्नु परेन भन्ने ज्योतिका अरु पीडाका कथा धेरै थिए । घरमा पाँच वर्षको छोरा र दुई वर्षकी छोरी छोडेर गएकी ज्योतिलाई सुरुमा त विदेशमा ती बच्चा पनि आफ्नै जस्तो लाग्थ्यो तर पछिभने उनीहरुले भनेका कुरा पुर्‍याउन हम्मे हम्मे पर्न थाल्यो उहाँलाई । त्यति मात्रै होइन उनीहरुले गर्ने व्यवहार पनि फेरियो ।
२० जनालाई स्याहार्दाको सास्ती त छँदै थियो त्यसमाथि तलव पनि नपाएपछि उहाँ नेपाल फर्किने निर्णयमा पुग्नुभयो । तलब माग्दा साहुले तलब हैन, तलब त नेपाल पठाई दिएको जवाफ मात्र दिन्थ्यो । तर तलब पठाएको हुँदैन थियो ।
डेढ वर्ष कुवेत बस्दा उहाँले नेपालीले विदेश जाँदा दुःख पाउनुको कारण पनि बुझ्नुभयो । यतिञ्जेल विदेश बसेर तितो अनुभव संगालेकी उहाँलाई अहिले पनि समाजले हेयको भावले हेर्दा मन अमिलो हुन्छ । ‘विदेश गएर आएकी भन्दै कुरा गर्छन, त्यसो भन्दा साह्रै दुःख लाग्छ’ ज्योति भन्नुहुन्छ ।

ज्योति आफूले दुःख पाएर फर्किएपछि अरुलाई सचेत हुन आग्रह गर्नुहुन्छ । भन्नुहुन्छ ‘भाइ बहिनीले नाटकबाट आग्रह गर्दै थिए, म पनि आग्रह गर्छु यदी विदेश जाँदै हुनुहुन्छ भने बुझेर अनि काम सिकेर मात्रै जानुहोस ।’ भनेको उज्यालोअनलाइनमा समाचार छ |






शुभकामना

भर्खरै...

लोकप्रिय

रोचक खबर

रोमानियामा सोनाम ल्होछार तथा बृहत् साँस्कृतिक कार्यक्रम सभ्य र भब्य रुपले सम्पन्न

रोमानियामा सोनाम ल्होछार तथा बृहत् साँस्कृतिक कार्यक्रम सभ्य र भब्य रुपले सम्पन्न

"प्रावास मा आफनो भाषा , धर्म कला र संस्कृति को जगेर्न गर्नै " भन्ने मुल नारालाई आत्मसात गर्दै सन् ०१।०१।२०२३ का... बाँकी यता

Phursang Lama / February 18, 2024

५५ वर्षपछि दुई देशबीच श्रम समझदारी कायम

५५ वर्षपछि दुई देशबीच श्रम समझदारी कायम

  रोमानिया । नेपालीहरुको आकर्षक गन्तव्य बन्दै गएको युरोपेली मुलुक रोमनियासँग नेपालले द्विपक्षीय श्रम... बाँकी यता

Phursang Lama / October 7, 2023

 Photo Gallery

  • अमेरिकास्थित दुई तामाङ संस्थाबिच एकता हुने

  • नेपाल तामाङ घेदुङको कोन्ज्योसोम घोषणा पत्र २०७४ सार्वजनिक

  • फोनिजको अध्यक्षमा डण्ड गुरुङ निर्विरोध निर्वाचित

  • अभिनेत्री पूर्णिमा लामा तामाड – म रुन्चे कहाँ हो र ?’

  • चर्चित मोडल स्मिताका सात कामुक फोटो सार्वजनिक(फोटोफिचर)

  • लुम्बिनीमा अन्तर्राष्ट्रिय बौद्ध सम्मेलन गर्ने तयारी

  • नेपाल तामाङ घेदुङको राष्ट्रिय बिधान-सभा चैत २३ र २४ गते

  • पहिचानको मुद्दा कहाँ पुगेर अत्कियो ?

  • यस्तो छ – नमस्कार गर्नुको कारण र महत्व

  • स्वयम्भुमा १३ पटक परिक्रमा र सरसफाई कार्यक्रम सम्पन्न (फोटो सहित)

  • महिलाले ध्यान दिने पुरुषका ७ चिज

  • प्रधानमन्त्री प्रचण्डले तामाङ संस्कृति भवन बनाउन सहयोग गर्ने घोषण,कुलमान घिसिङको प्रशंसा

  • राष्ट्रिय सोनाम ल्होछारको अवसरमा तामाङ ह्वाइखा (कविता ) प्रतियोगिता हुने

  • तमु ल्होसार के हो र कसरी मनाईन्छ ?

  •  Music videos

  • नेपालले गर्यो नयाँ नक्सा सार्वजनिक

  • भारतले जबरजस्ती हटाउन लगायो नेपाल भारत सम्बन्धि बीबीसीको डकुमेण्टी

  • तामयिक लिपी र सम्भोटा लिपीमा फरक के छ ? लेख्ने तरिका सहित

  • ‘तिम्रो घरको वरिपरि’ युट्युब ट्रेन्डिङ नम्बर १ मा (भिडियो)

  • मिस तामाङ २०१८ का सहभागीहरु तामाङ भुषभुषा र डम्फुको साथमा तामाङ भाषाको गीत गाउदै

  • तीनकुनेमा आयोजित सोनाम ल्होछार कार्यक्रममा सुरक्षाकर्मीले हस्तक्षेप किन गर्यो ? भिडियो हेर्नुहोस् …

  • मिस तामाङ प्रतियोगिता २०१८ को भाग -१ , मन पर्नेलाई भोट हाली जिताऊ (भिडियो)

  • तामाङ सेलो ‘ल्होछार पर्वमा …. सुनिता पाख्रिन तामाङ

  • बालवालिका केन्द्र खोलेर बाल ब्यापार गर्ने प्रशासनको नियन्त्रणमा (जनतासंग सिधा कुरा)

  • बिज्ञापनका लागि:
     [email protected]
    लेख, रचना र समाचारका लागि:
     [email protected]
    सामाजिक संजाल तर्फ:
    सर्वाधिकार © 2012 - 2024: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution