काठमाडौं २८ चैत (एजेन्सी ) : भारतको केरलामा रहेका एउटा मन्दिरमा भिषण आगलागी हुँदा कम्तिमा १०२ जनाको मृत्यु भएको छ । केरला राज्यको कोल्लम जिल्लास्थित एक मन्दिरमा आगलागी भएको हो । आगलागीमा परी कम्तीमा १०२ जनाको मृत्यु भएको भारतीय सञ्चार माध्यमले जनाएका छन् ।

अधिकारीहरुका अनुसार अन्य २ सय जनाभन्दा बढी घाइते भएका छन् । एक उत्सवका क्रममा पटाका पड्काउँदा आगलागी भएको हो । आज बिहान करिव ३ बजे भएको त्यस घटना लगत्तै उद्धार कार्य जारी रहेको छ । मृतकको संख्या बढ्न सक्ने अनुमान गरिएको छ ।
घाइतेलाई नजिकैको अस्पतालमा लगिएको छ । घाइतेमध्ये केहीको अवस्था निकै गम्भीर रहेको अधिकारीहरुले जनाएका छन् ।