अन्तरराष्ट्रिय नेपाली झण्डा दिवस मनाउने हैन त ?
बैशाख १ गते संसारभरका नेपालीहरुको नयाँ बर्ष भएकोले स्वदेश-विदेश चारैतिरका नेपाली तथा नेपालीमूलका नागरिकहरुमा समेत उक्त दिनलाई महत्वपूर्ण पर्वको रुपमा लिइने गरिएको छ। स्वदेश तथा बिदेशमा बस्ने नेपालीहरु माझ त्यस अवसरमा नेपाली झण्डाको प्रयोग गरि बैशाख १ लाई अझै बिशेष बनाउन सकिन्छ भन्ने अवधारणा अनुसार अन्तरराष्ट्रिय नेपाली झण्डा दिवस १ बैशाख २०७२ (२०१५ अप्रिल १४) बाट संसारभर मनाउन शुरु गरिएको हो । यसले अन्तरराष्ट्रियरुपमा हाम्रो बिशेष आकारप्रकारको झण्डामार्फत नेपालकै प्रबर्द्धन हुने र देशभित्र पनि नेपाली राष्ट्रियताको प्रबर्द्धन गर्दछ ।
संसार कै एकमात्र बिशेष गणितीय आकारको भएको नेपाली झण्डा समस्त नेपालीहरुको साझा र मौलिक पहिचानको चिह्न पनि हो । शताब्दीऔं देखि प्रयोग भै रहेको नेपाली झण्डाको जनस्तरमा व्यापक प्रयोगलाई विश्वमय बनाउने उद्देश्यले हामीहरुले बिगत २ बर्षदेखि बैशाख १ (बिक्रम सम्बतको पहिलो दिन) लाई अन्तरराष्ट्रिय नेपाली झण्डा दिवसको रुपमा मनाई रहेका छौं। अगिल्लो बर्षमा संसारभरबाट भएको सहभागिता र संचार माध्यमहरुबाट पाएको सद्भावना यसपटक पनि प्राप्त हुनेछ भन्नेमा हामि पूर्ण बिश्वस्त छौं ।
गत बर्ष जस्तै यसपटक पनि १ बैशाख २०७३ (अप्रिल १३, २०१६) का दिन दोश्रो अन्तरराष्ट्रिय नेपाली झण्डा दिवस भव्यताका साथ मनाऔं ।
बैशाख १ गते दिन आ-आफ्नो आफ्नो स्थान र अवस्था अनुसार नेपाली झण्डाको प्रयोग गरौँ, फोटो खिचौं अनि नेपाली झण्डा दिवसको फेसबुकमा अपलोड गरौँ ।
आ-आफ्नो फेसबुक र ट्वीटर जस्ता सामाजिक संजालमा यसैसँग संलग्न फोटाहरुलाई आ-आफ्नो वाल र प्रोफाइल फोटोहरुका रुपमा प्रयोग गरौँ ।
नेपाली हुनुमा गर्व गरौँ । नेपालीपनलाई संरक्षण, प्रवर्द्धन र विस्तार गरौँ । बैशाख १ गतेलाई राष्ट्रप्रेम भावले मनाऔं ।
@दोश्रो अन्तरराष्ट्रिय नेपाली झण्डा दिवसका लागि
डा. लेखनाथ काफ्ले
शिन्चु, ताइवान
Executive Editor
