महोत्तरी–कुखुरालाई पानी नखुवाएको झोकमा हातिलेट–३ मा संचालित कुखुरा फर्मका संचालकले आफनै फर्ममा काम गर्ने एक कामदारलाई निर्मतापूर्वक पिटेर हत्या गरेका छन्।

हातिलेट–३ स्थित बिजयवस्तीमा संचालित कुखुरा र्फममा कामगर्ने कामदार हातिलेट–२ घर भएका २८ वर्षीय विजुली सदा मुसहरलाई र्फम संचालक पवन बस्नेतले कुखुरालाई पानी नखुवाएको झाेंकमा निर्ममतापूर्वक पिटेर हत्या गरेका हुन्।

मंगलबार साझ कुखुरालाई पानी नखुवाएको झाेंकमा कुखुरा फर्म संचालक बस्नेतेको पिटाइबाट शनिबार बिहान उनको ज्यान गएको प्राराम्भिक अनुसन्धानबाट खुल्न आएको इलाका प्रहरी कार्यालय बर्दिवासका डिएसपी शालिग्राम शर्माले बताए।

‘मृतकको शरीरमा देखिएको चोटपटक र घाउ एक दुई दिन पहिलेको रहेकोले उनी माथि एक दुई दिन पहिले नै कुटपिट भएको र सोही कुटपिटबाट उनको मृत्यु भएको प्राराम्भिक अनुसन्धानबाट खुल्न आएको छ,’ डिएसपी शर्माले भने, ‘आरोपी पवन बस्नेत पक्राउ परेपछि घटना बारे थप यर्थाथ खुल्नेछ।’ कुटपिट भएकै दिनदेखि र्फम संचालक बस्नेत फरार छन्। बस्नेतको खोजी तिव्र पारिएकोे डिएसपी शर्माले बताए।

आरोपी बस्नेत सीमानाका सम्सीको बाटो भएर भारतीय बजारतर्फ भागेकाले त्यस क्षेत्रमा व्यापक प्रहरी परिचालन गरी खोजी कार्य तिव्र पारिएको डिएसपी शर्माले बताए । मंगलबार साँझ मादक पदार्थ सेवन गरी आएका बस्नेतले मुसहरलाई कुखुरालाई पानी किन नखुवाएको भन्दै उनी माथि निर्ममतापूर्वक कुटपिट गरेर उनी फरार भएको स्थानीयले बताए।

निर्घात कुटाइका कारण सदा चार दिनदेखि ओछ्यानमै थलापरेको र उनको शनिबार विहान मृत्यु भएको प्रत्यक्षदर्शीले बताएका छन । मृतक सदाको अनुहार, छाती र कोखमा गहिरो चोट लागेको देखिएको छ । मृतकको शव पोष्टमार्टमका लागि जलेश्वर अस्पतालमा ल्याइएको प्रहरीले जनाएको छ ।

यता गरिव तथा दलितहरुको बसोबास रहेको बिजय बस्तीमा बिजुलीको हत्याले गाउँ नै शोकमा डुबेको छ। करीब १ किलो मिटर टाढाबाट साइकलमा पानी ओसारेर दैनिक बिजुलीले बस्नेतले संचालन गरेको दुई कुकुरा फर्ममा कुकुरालाई पानी र चारो हाल्ने काम गर्दै आएको स्थानीय मिनु दमाइले बताए।

‘आफ्नो नाममा एक धुर जग्गा समेत नभएका बिजुलीया दिनहुँ पाखुरा चलाएर जीवन चलाउँदै आएका थिए,’स्थानीय दमाईले भने। रातु खोलाको बगरमा एउटा सानो झुप्डिमा विजुलिया सपरिवार बस्दै आएका थिए । तर निर्ममता पूर्वक उनको हत्या भएपछि उनको परिवारजहान वेसाहार भएको स्थानीयले बताएका छन्। स्थानीयले घटनाको निश्पक्ष ढंगले छानविन हुनु पर्ने र हत्यारालाई कडाभन्दा कडा कारवाही हुनु पर्ने माग स्थानीय प्रशासनसँग गरेको समाचार नागरिक न्युजमा छ ।