मिस नेपालको इतिहास ,अहिले सम्म क-कसले जितिन् उपाधि ?
काठमाडौँ, चैत २७ गते । शुक्रबार राति नेपालकी २२ औँ मिस नेपालको ताजा अर्थात् ‘मिस नेपाल २०१६ अश्मी श्रेष्ठ जित्नु भएको छ |नेपालमा सन् १९९४ देखि मिस नेपाल प्रतियोगिता सुरु भएको हो | मिस नेपालको पहिलो उपाधि रुबी राणाले जित्नुभएको थियो । त्यसपछि १९९५ मा सुमी खड्का, १९९६ मा पुनम घिमिरे मिस नेपाल जितेकी थिईन् |
सन् १९९७ मा ‘मिस नेपाल’ र ‘मिस नेपाल वल्र्ड’को स्वरुपमा दुई पटक यो प्रतियोगिता भएको थियो । जस अन्तर्गत मिस नेपालको उपाधि निलिमा गुरुङले जितेकी थिईन् । सोही वर्ष देखि मिस वल्र्डमा भाग लिने अवसर आएपछि पुनः मिस नेपाल वल्र्ड प्रतियोगिता भएको थियो |जसको उपाधि झरना बज्राचार्यले जितेकी थिईन् । उपाधि जिते सँगै उहाँले नेपालको तर्फबाट मिस वल्र्डमा भाग लिने अवसर पाएकी थिईन् |
त्यस्तै, १९९८ मा मिस नेपालको उपाधि ज्योति प्रधानले जितेकी थिईन् । तर उनीले उत्तरदायित्व बहन गर्न नसकेको भन्दै उपाधि खोसेर ‘फस्ट रनरअप’ निरु श्रेष्ठलाई दिइएको थियो । त्यसैगरी, १९९९ को मिस नेपालको उपाधि स्वेता सिंहले हात पारेकी थिईन् भने २००० को उपाधि उषा खड्गीले जितेकी थिईन् र २००१ मा भने मिस नेपाल प्रतियोगिता सकेको थिएन |
प्रतियोगितालाई पुनः निरन्तरता दिँदै २००२ मा माल्भिका सुब्बा, २००३ मा प्रिती सिटौला, २००४ मा पायल शाक्य, २००५ मा सुगारिका केसीले मिस नेपाल जितेकी थिईन् | सन् २००६ मा पुन प्रतियोगिता भएको थिएन ।
यसैगरी २००७ मा भएको प्रतियोगिताको उपाधि शिताष्मा चन्दले जितेकी थिईन् भने २००८ मा केही मानिसले गरेको विरोधको कारण देखाउदै प्रतियोगिता भएको थिएन |
त्यसपछि अर्को वर्षदेखि पुनः निरन्तर सुरु भएको प्रतियोगिताको उपाधि क्रमशः २००९ मा जेनिशा मोक्तान, २०१० मा सदिक्षा श्रेष्ठ, २०११ मा मलिना जोशी, २०१२ मा सृष्टि श्रेष्ठ, २०१३ मा इशानी श्रेष्ठ, २०१४ मा सुविन लिम्बु र २०१५ मा इभाना मानन्धरले जितेकी थिईन् |
क्षेत्रगत हिसाबले हेर्दा उपाधि जित्नेमा हालसम्म राजधानी उपत्यका (काठमाडौँ, भक्तपुर र ललितपुर)का सुन्दरीको बर्चस्व छ । राजधानी उपत्यकाबाट १२ जना मिस नेपाल भएका छन् ।